Frogger
Frogger (яп.: フロッガー Фурогга:) — відэагульня жанру аркада — галаваломка, распрацаваная кампаніяй Konami і выпушчаная кампаніямі Sega і Gremlin Industries для аркадных аўтаматаў у чэрвені 1981 у Японіі і ў кастрычніку таго ж года ў Еўропе[1][2]. Гульня стала вельмі папулярнай і працягвае перавыдавацца для многіх гульнявых сістэм і камп’ютараў[3].
| Frogger | |
|---|---|
 Вокладка гульні на Atari 2600 | |
| Распрацоўшчык | Konami |
| Выдавец | Sega / Gremlin |
| Частка серыі | Frogger[d] |
| Дата выпуску | 1981 |
| Жанр | аркада |
| Тэхнічныя даныя | |
| Платформы | аркадны аўтамат |
| Рэжымы гульні | 1 ігрок або 2 ігракі |
| Кіраванне | джойсцік |
| Дысплей | растравы, 99 колераў, 224 x 256 пкс (вертыкальны) |
| Працэсар | Z80 (@ 3.072 Мгц) |
| Гук |
Sound CPU: Z80 (@ 1.78975 Мгц) Sound Chips: AY8910 (@ 1.78975 Мгц) |
 Медыяфайлы на Вікісховішчы | |
Геймплэй
правіцьМэта гульні — дапамагчы жабе перасекчы гульнявы экран з ніжняй часткі ў верхнюю. Поле гульні падзелена на 13 радоў: першы рад — стартавая лінія, з другога па шосты — аўтамабільная дарога, па якой з рознымі скарасцямі ў абодва бакі ездзяць машыны, сёмы — бяспечны ўчастак для перадышкі, з восьмага па дванаццаты — рака з плывучымі злева направа бярвеннямі, выдрамі і кракадзіламі і справа налева групамі чарапах, акрамя таго, на бярвёнах могуць аказвацца змеі і павукі. У трынаццатым, апошнім радзе, размешчана пяць ячэек. Жаба павінна пераадолець дарогу, перабрацца па бярвеннях і чарапахах цераз раку і заняць адну з пяці ячэек. Каб прайсці этап, трэба заняць жабамі па чарзе ўсе пяць ячэек, пасля чаго аўтаматычна пачынаецца новы этап з больш шчыльным і хуткім трафікам, з больш хуткай ракой і з большай колькасцю ворагаў.
Акрамя таго, часам на бярвёнах з’яўляюцца жукі або жабы-самкі, за збіранне якіх налічваюцца бонусныя ачкі.
Гульцу адведзена непасрэднае кіраванне жабай, перамяшчэнне яе пры дапамозе чатырох клавіш па гульнявым полі (наперад-назад, налева-направа).
Жаба гіне, калі заканчваецца адведзены на кожны этап час, а таксама пры сутыкненні з машынай, кракадзілам, выдрай, павуком ці змяёю, пры падзенні ў ваду, пры скачку міма фінішнай ячэйкі ці калі бервяно альбо чарапаха, на якой сядзіць жаба, сплывае за межы экрана. Канца ў гульні няма, пасля кожнага этапу пачынаецца новы, больш складаны. Выніковай мэтай гульні можна назваць дасягненне найбольшай колькасці балаў. Найвышэйшым афіцыйна зарэгістраваным вынікам на цяперашні момант лічыцца 896980 балаў. Рэкорд паставіў амерыканец Пэт Лафайе (англ.: Pat Laffaye) 1 студзеня 2010 г.[4].
Версіі гульні
правіцьРозныя версіі гульні выходзілі і працягваюць выходзіць на многіх гульнявых сістэмах і персанальных камп’ютарах:
| Сістэма | Год выпуску | Распрацоўшчык | Выдавец | Спасылка |
|---|---|---|---|---|
| Atari 2600 | 1982 | Konami | Starpath Corporation | [1] |
| Atari 5200 | 1983 | Konami | Parker Brothers | [2] |
| Atari 8-bit | 1982 | Konami | Sierra | [3] |
| BlackBerry | 12 жніўня 2009 | Magmic | Magmic | [4] |
| BBC Micro | 1982 | A & F Software | A & F Software | [5] |
| Commodore 64 | 1983 | Konami | Sierra | [6] |
| ColecoVision | 1983 | Konami | Parker Brothers | [7] |
| Game Boy Color | 31 снежня 1998 | Morning Star Multimedia | Majesco Games | [8] |
| game.com | 1999 | Handheld Games | Tiger Electronics | [9] |
| Sega Mega Drive | 1998 | Morning Star Multimedia | Majesco Games | [10] |
| Intellivision | 1983 | Konami | Parker Brothers | [11] |
| iPhone/iPod | 1 жніўня 2008 | Konami | Konami | [12] |
| Мобильные телефоны | 20 лістапада 2003 | Konami | Konami | [13] |
| MSX | 1983 | Konami | Konami | [14] |
| Odyssey² | 1982 | Konami | Parker Brothers | [15] |
| ПК | 30 лістапада 1997 | SCEE | Hasbro Interactive | [16] |
| PlayStation | 30 верасня 1997 | Millenium Interactive | Hasbro Interactive | [17] |
| SNES | 1998 | Morning Star Multimedia | Majesco Games | [18] |
| Xbox 360 | 12 ліпеня 2006 | Digital Eclipse | Konami | [19] |
| Sinclair ZX81/Spectrum | 1983 | Microbyte | Rabbit Software | [20] |
| Dragon 32/64 | 1983 | Konami | MicroDeal | [21] |
| Texas Instruments TI-99/4A | 1984 | Konami | Parker Brothers | [22] |
| TRS-80 Color Computer | 1983 | Konami | Sega | [23] |
| Commodore VIC-20 | 1983 | Konami | Parker Brothers | [24] |
| Nintendo DS | 17 мая 2010 | Hijinx Studios | Konami | [25] |
| PlayStation 3 | 10 снежня 2009 | Konami | Konami | [26] |
| Wii | 12 лістапада 2009 | Konami | Konami | [27] |
Сіквелы
правіцьАкрамя перавыданняў да Frogger выйшла мноства сіквелаў, сярод іх:
- Frogger II ў 1984 годзе для Apple II, Atari 2600, Atari 5200, Atari 8-bit, Commodore 64 і ColecoVision.
- Ribbit ў 1991 для аркадных аўтаматаў.
- Frogger 3D ў 1997 годзе для Windows і PlayStation.
- Frogger 2: Swampy's Revenge ў 2000 для ПК, PlayStation, Dreamcast і Game Boy Color.
- Frogger: The Great Quest ў 2001 годзе для Windows і PlayStation 2.
- Frogger's Adventures: Temple of the Frog у 2001 годзе для Game Boy Advance.
- Frogger Advance: The Great Quest у 2002 годзе для Game Boy Advance.
- Frogger Beyond в 2002 года для GameCube, Xbox, Windows, PlayStation 2.
- Frogger's Adventures 2: The Lost Wand у 2002 годзе для Game Boy Advance.
- Frogger's Journey: The Forgotten Relic у 2003 годзе для Game Boy Advance.
- Frogger's Adventures: The Rescue у 2003 годзе для GameCube, Windows, PlayStation 2.
- Frogger: Ancient Shadow у 2005 годзе для GameCube, Xbox, Windows, PlayStation 2.
- Frogger: Helmet Chaos у 2005 годзе для Nintendo DS и PSP.
- Frogger for Prizes у 2005 годзе для мабільных тэлефонаў.
- Frogger 25th, Frogger Evolution у 2006 годдзе для мабільных тэлефонаў.
- My Frogger Toy Trials у 2006 годзе для Nintendo DS.
Крытыка
правіцьУ цэлым Frogger атрымаў вельмі высокія, часта нават максімальна высокія ацэнкі ў многіх рэцэнзіях. Параўнальна невысока былі ацэненыя версіі гульні для Xbox 360, Atari 5200 і Intellivision.
Рэцэнзіі
правіць- Прысвечаны камп’ютарным гульням сайт The Video Game Critic паставіў максімальную ацэнку версіям гульні на ColecoVision, Atari 2600 і Odyssey². Абедзве гульні былі названыя бліскучымі пераносамі з аркадных аўтаматаў. Выдатнай была названа графіка і музычнае афармленне гульні. У якасці адзінага мінуса гульні на Odyssey² было адзначана наяўнасць невялікіх хібаў у кіраванні, а версія для Atari 2600 была названа адной з найвялікшых і найпапулярнейшых на гэтай сістэме[5][6][7].
- Таксама максімальную ацэнку атрымаў Frogger на Game Boy Color у рэцэнзіі Allgame — камерцыйнай інфармацыйнай базе дадзеных камп’ютэрных гульняў для розных платформ. Allgame назваў гэтую версію гульні найлепшым перавыданнем арыгінальнага Frogger з часоў ColecoVision[8].
- На вэб-сайце The Atari Times версія гульні для Atari 2600 атрымала ацэнку 95 %, у тым ліку 95 % за графіку, 90 % за музыку і гук, 95 % за геймплэй і 85 % за кіраванне[9].
- Англамоўны навінны і інфармацыйны вэб-сайт, які асвятляе тэматыку камп’ютэрных гульняў — IGN, паставіў Game Boy Color — варыянту гульні 8,0 балаў з 10, назваўшы адзіным сур'ёзным недахопам гульні тое, што распрацоўшчыкі крыху адышлі ад класічнага геймплэя[10].
- Версія гульні для Sega Genesis была ацэнена сайтам Sega-16.com таксама ў 8,0 балаў. Frogger стала апошняй гульнёй, выпушчанай для гэтай гульнявой сістэмы.[11]
- Параўнальна невысокія ацэнкі былі пастаўленыя варыянту Frogger-а на Xbox 360: сайт Game Over Online — 55 %[12], сайты Thunderbolt Games, IGN і XBox Evolved — 6 з 10[13][14][15], сайты UOL Jogos і Video Game Talk — 3,5 зорачкі з 5[16][17].
Іншыя факты
правіць- Аркадны аўтамат з гульнёй Frogger фігураваў у аднайменнай (The Frogger) серыі серыяла Сайнфелд[18].
- Песня «Frogger», пра трафік у Лос-Анджэлесе існуе ў амерыканскай панк-рок-групы Bad Religion.
Адрозненні ў версіях гульні
правіцьГульнявы працэс усіх версій гульні ідэнтычны, адрозненні ёсць толькі ў афармленні. Напрыклад, на Sega Genesis правая частка экрана адведзена пад статыстыку — колькасць заробленых пунктаў, гульнявых жыццяў і застаўшагася на праходжанне гульні часу. Фроггер на TRS-80 з’яўляецца адзіным чорна-белым варыянтам гульні (гл. мал.), а на PlayStation 3 — адзіным, дзе класічны выгляд зверху заменены на ізаметрычны від (гл. мал.). Акрамя таго, гульня на TRS-80 праводзіцца ў два заходы, спачатку гулец бачыць толькі тую частку гульнявой лакацыі, дзе жаба перасякае праезную частку, а затым экран пераключаецца на раку (гл. мал.). Xbox 360 — адзіная гульнявая прыстаўка, дзе два ігракі могуць праходзіць узроўні адначасова на падзеленым вертыкальна экране.
Некалькі адрозніваецца ад версіі да версіі афармленне сноўдаючых па шашы машын. Гульнявыя сістэмы ColecoVision, Dragon 32/64, Sega Genesis, MSX, TRS-80 і Xbox 360 прытрымліваюцца віду зверху, як і ў арыгінале на Atari 2600. На SNES і PlayStation 3 выкарыстоўваецца ізаметрычная праекцыя (гл. мал.), а на Game Boy Color машыны намаляваныя ў «профіль».
Існуюць адрозненні і ў шырыні гульнявога экрана, напрыклад, гульнявая прастора ў Frogger на MSX і TRS-80 прыкметна меншая, чым у арыгінале і на большасці іншых сістэм.
Зноскі
правіць- ↑ Карточка игры Frogger на сайте «Международный музей аркадных игр» (англ.)
- ↑ Данные игры на сайте GameFaqs (англ.)
- ↑ Список версий игры на сайте GameFaqs (англ.)
- ↑ Рекорда игры Frogger по версии сайта Twin Galaxies (англ.)
- ↑ Рецензия на версию игры для ColecoVision(недаступная спасылка) на сайте The Video Game Critic (англ.)
- ↑ Рецензия на версию игры для Odyssey² Архівавана 4 ліпеня 2007. на сайте The Video Game Critic (англ.)
- ↑ Рецензия на версию игры для Atari 2600 Архівавана 21 лістапада 2008. на сайте The Video Game Critic (англ.)
- ↑ Рецензия на версию игры для Game Boy Color Архівавана 15 лістапада 2014. на сайте Allgame (англ.)
- ↑ Frogger: No Toad Here By Darryl Brundage. September 25, 2003 Архівавана 4 сакавіка 2016. (англ.)
- ↑ The classic arcade title makes for a great Game Boy Color game, even if it's not enhanced. Архівавана 17 ліпеня 2012. (англ.)
- ↑ Frogger By: Doug Jackson | December 15, 2008 Архівавана 2 студзеня 2010. (англ.)
- ↑ Рецензия Xbox360-варианта игры на сайте Game Over Online (англ.)
- ↑ Xbox 360 review by Calvin Kemph, published on Sunday 25th January 2009 Архівавана 16 лютага 2010. (англ.)
- ↑ From guppy to senior frog, Konami's really, really old arcade game emerges from the arcade pond….in HD. Excited yet? Архівавана 22 ліпеня 2012. (англ.)
- ↑ Рецензия Xbox360-варианта игры Архівавана 16 мая 2008. на сайте XBox Evolved (англ.)
- ↑ Frogger By Mike Flacy Posted July 13, 2006 Архівавана 29 красавіка 2015. (англ.)
- ↑ Frogger 14/07/2006 FABIO PANCHERI Da Redação (ісп.)
- ↑ «Seinfeld» The Frogger (1998) (англ.)
Спасылкі
правіць- Frogger (англ.) на сайце MobyGames
- Парады па праходжанні гульні на сайце GameFaqs (англ.)