Мурашкі земляныя

Мурашкі земляныя (Lasius) — род насякомых сямейства мурашак.

Мурашкі земляныя
Lasius niger
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Перапончатакрылыя Падатрад:  Джаланосныя Інфраатрад:  Джалячыя перапончатакрылыя Надсямейства:  Мурашкі Сямейства:  Мурашкі Падсямейства:  Formicinae Трыба:  Lasiini Род:  Мурашкі земляныя
Міжнародная навуковая назва
Lasius Fabricius, 1804
Сістэматыка на Віківідах Выявы на Вікісховішчы ITIS   154217 NCBI   7482 EOL   49417

Апісанне

Даўжыня цела ў рабочых асобін 2—5, самак 3,6—10, самцоў 3—5 мм. Лобныя валікі кароткія. Рабочыя мурашкі ў большасці відаў манаморфныя, вочкі ў іх рудыментарныя, амаль непрыкметныя.

Пазбаўлены джала. У рабочых і самак ёсць ядавітая залоза.

Пашырэнне

Пашыраны ў Галарктыцы, пераважна ў зоне ўмеранага клімату. Кормяцца насякомымі, жывёльнымі рэшткамі, выдзяленнямі тлей. Знішчаюць шкодных насякомых, удзельнічаюць у працэсе глебаўтварэння. У сусветнай фаўне больш за 100 відаў, на Беларусі пашыраны мурашка чорная садовая (Lasius niger), мурашка земляная жоўтая (Lasius flavus), мурашка-шашаль пахучая (Lasius fuliginosus) і інш.

Літаратура

• Панкевіч Т., Бліноў У. Мурашкі земляныя // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.