Іван Ігнацьевіч Васілевіч

Іван Ігнацьевіч Васілевіч (15 лютага 1941, ст. Палессе, Мядзельскі раён, Мінская вобласць) — беларускі архітэктар.

Іван Ігнацьевіч Васілевіч
Дата нараджэння	15 лютага 1941(1941-02-15) (83 гады)
Месца нараджэння	Палессе, Будслаўскі сельсавет, Крывіцкі раён, Вілейская вобласць, БССР, СССР
Альма-матар	БПІ (1968)
Месца працы	Мінскпраект Белдзяржпраект
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1968 годзе. Працаваў у Мінскпраекце, з 1976 года — галоўны архітэктар праектаў у Белдзяржпраекце.

Член Саюза архітэктараў СССР з 1973 года. Пражывае ў г. Мінску.

Творчасць

Будынкі інстытутаў Белдзіправадгаса і Сельгастэхпраекта па праспекце Машэрава

Асноўныя працы (у аўтарскім калектыве): будынкі інстытутаў Белдзіправадгаса (1972), Сельгастэхпраекта (1976), лабараторны корпус Белдзіправадгаса (1980), комплексы будынкаў УНДІТІМЖ (1979—1983), эксперыментальнай вытворчасці Інстытута тэхнічнай кібернетыкі, СКТБ з вопытнай доследнай Інстытута фізікі АН БССР (1986), галоўны павільён будаўнічай выстаўкі Дзяржбуда БССР, паліклініка МУС па вул. Мяснікова (1988) у Мінску, планіроўка і забудова пас. Таксімо на БАМе (1986), аўтар Дома Саветаў у Слуцку (1986).

Узнагароды

2-я прэмія на рэспубліканскім конкурсе за праект Дома архітэктара (1974, у аўтарскім калектыве).

Літаратура

• Василевич Иван Игнатьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)