Ігар Аляксандравіч Люблінскі

Ігар Аляксандравіч Люблінскі (26 лютага 1914, Ніжні Ноўгарад) — беларускі архітэктар. Кандыдат архітэктуры (1970).

Ігар Аляксандравіч Люблінскі
Дата нараджэння	26 лютага 1914(1914-02-26) (110 гадоў)
Месца нараджэння	Ніжні Ноўгарад, Ніжагародскі павет[d], Ніжагародская губерня, Расійская імперыя
Альма-матар	Ніжагародскі дзяржаўны архітэктурна-будаўнічы ўніверсітэт[d] (1940)
Месца працы	Мінскпраект Белдзяржпраект БелНДІПгорадабудаўніцтва
Навуковая ступень	кандыдат архітэктуры (1970)
Партыя	КПСС
Член у	Саюз архітэктараў СССР Беларускі саюз архітэктараў
Узнагароды

Біяграфія

Скончыў Горкаўскі інжынерна-будаўнічы інстытут у 1940 годзе. Удзельнік Вялікай Айчыннай вайны. Член КПСС з 1944 года. Член Саюза архітэктараў СССР з 1946 года.

Працаваў галоўным архітэктарам г. Фрунзэ, з 1960 года — галоўным архітэктарам, кіраўніком майстэрні ў Мінскпраекце, Белдзяржпраекце, з 1976 па 1980 г. — загадчык сектарам у БелНДІПгорадабудаўніцтва.

Пражываў у Мінску.

Творчасць

Асноўныя працы (у аўтарскім калектыве): генплан Мінска, эскіз планіроўкі і забудовы цэнтра Мінска (1964), генплан і ПДП цэнтра Баранавічаў (1966), генпланы Брэста, Клецка, Капыля, Узды, курортнай зоны «Нарач» (1970—1980). Навуковыя распрацоўкі па пытаннях удасканалення структуры вытворча-сялібных раёнаў, вытворчых зон (прамысловых вузлоў). Артыкулы ў часопісах і зборніках па пытаннях горадабудаўніцтва.

Узнагароды

Узнагароджаны ордэнам Айчыннай вайны II ступені, медалямі.

Літаратура

• Люблинский Игорь Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)