Ігар Віктаравіч Петрышэнка
Ігар Віктаравіч Петрышэнка (19 кастрычніка 1965, вёска Неглюбка, Веткаўскі раён, Гомельская вобласць) — беларускі дыпламат і дзяржаўны дзеяч.
| Ігар Віктаравіч Петрышэнка | |||||||
|---|---|---|---|---|---|---|---|
 | |||||||
|
|||||||
| Прэзідэнт | Аляксандр Лукашэнка | ||||||
| Кіраўнік урада | Сяргей Румас Раман Галоўчанка |
||||||
| Папярэднік | Васіль Жарко | ||||||
| Пераемнік | Уладзімір Каранік | ||||||
|
|||||||
| Прэзідэнт | Аляксандр Лукашэнка | ||||||
| Кіраўнік урада | Міхаіл Мясніковіч Андрэй Кабякоў |
||||||
| Папярэднік | Андрэй Кабякоў | ||||||
| Пераемнік | Уладзімір Сямашка | ||||||
| Нараджэнне |
19 кастрычніка 1965 (59 гадоў) |
||||||
| Адукацыя | |||||||
Надзвычайны і Паўнамоцны Пасол Рэспублікі Беларусь у Расійскай Федэрацыі (2012—2018). З 18 жніўня 2018 [1] па 3 сакавіка 2025 Намеснік Прэм’ер-міністра Рэспублікі Беларусь.[2]
Біяграфія
правіцьСкончыў з залатым медалём Вільнюскае вышэйшае каманднае вучылішча радыёэлектронікі СПА (1986), з адзнакай — Ваенны Чырванасцяжны інстытут (1992) і Акадэмію кіравання пры Прэзідэнце Рэспублікі Беларусь (1998).
У 1986—1996 гадах праходзіў службу ва Узброеных Сілах на афіцэрскіх пасадах.
У 1996—1999 гадах — дарадца, галоўны саветнік, начальнік дагаворна-прававога ўпраўлення апарату Міністра па справах Садружнасці Незалежных Дзяржаў Апарату Кабінета Міністраў Рэспублікі Беларусь, затым Апарату Савета Міністраў Рэспублікі Беларусь.
У 1999—2001 гадах — начальнік упраўлення міждзяржаўнага супрацоўніцтва Апарату Савета Міністраў Рэспублікі Беларусь. З 2001 года па люты 2003 года — намеснік начальніка галоўнага ўпраўлення міжнароднага супрацоўніцтва і гандлю — начальнік упраўлення міжнароднага супрацоўніцтва Апарату Савета Міністраў Рэспублікі Беларусь.
З лютага па жнівень 2003 года — намеснік начальніка ўпраўлення Расіі і Саюзнай дзяржавы Міністэрства замежных спраў Рэспублікі Беларусь. Са жніўня 2003 года па снежань 2007 года — саветнік Пасольства Рэспублікі Беларусь у Расійскай Федэрацыі. Са снежня 2007 па люты 2008 года — начальнік упраўлення Расіі і Саюзнай дзяржавы Міністэрства замежных спраў Рэспублікі Беларусь. З лютага 2008 года па 2012 год — першы намеснік Міністра замежных спраў Рэспублікі Беларусь.
18 жніўня 2018 года прызначаны Намеснікам Прэм’ер-міністра Рэспублікі Беларусь[3].
22 лістапада 2019 года прадстаўляў афіцыйную дэлегацыю Беларусі на перапахаванні ўдзельнікаў паўстання 1863—1864 гадоў у Вільні[4].
У чэрвені 2022 года Петрышэнка трапіў у санкцыйны спіс Канады[5].
3 сакавіка 2025 года ўзгоднены на пасаду першага намесніка генеральнага сакратара СНД.[2]
Узнагароды
правіць- медаль «За ўклад у стварэнне Еўразійскага эканамічнага саюза» I ступені (2015)[6].
Крыніцы
правіць- ↑ Лукашенко сменил руководство правительства, премьером назначен Румас (руск.). БЕЛТА. Праверана 18.08.2018.
- ↑ а б Лукашэнка ўзгадніў назначэнне Ігара Петрышэнкі на пасаду першага намесніка генеральнага сакратара СНД
- ↑ Прэзідэнт змяніў кіраўніцтва ўрада
- ↑ Тысячы беларусаў развіталіся з Каліноўскім пад нацыянальнымі сцягамі — шмат ФОТА Надзеі Бужан
- ↑ Consolidated Canadian Autonomous Sanctions List (англ.). Global Affairs Canada (19 кастрычніка 2015). Архівавана з першакрыніцы 22 лістапада 2022. Праверана 22 лістапада 2022.
- ↑ Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“» Архівавана 25 лютага 2021.