Ігнасіа Камача

Ігнасіа Камача Барнола (ісп.: Ignacio Camacho Barnola; нар. 4 мая 1990, Сарагоса, Іспанія) — іспанскі футбаліст, паўабаронца. Яго бацька Хуан Хасэ, а таксама старэйшы брат Хуанінья, таксама з’яўляюцца футбалістамі.

Ігнасіа Камача
Агульная інфармацыя
Поўнае імя	Ігнасіа Камача Барнола
Нарадзіўся	4 мая 1990(1990-05-04) (34 гады) Сарагоса, Сарагоса, правінцыя Сарагоса, Арагон, Іспанія
Грамадзянства	Іспанія
Рост	182 см
Вага	75 кг
Пазіцыя	апорны паўабаронца
Інфармацыя пра клуб
Клуб	завяршыў кар’еру
Маладзёжныя клубы
2001—2005 Рэал Сарагоса 2005—2007 Атлетыка Мадрыд
Клубная кар’ера
2007—2008 Атлетыка Мадрыд B 12 (0) 2008—2010 Атлетыка Мадрыд 30 (2) 2011—2017 Малага 175 (16) 2017—2020 Вольфсбург 17 (0)
Нацыянальная зборная
2005 Іспанія (да 15 гадоў) 1 (0) 2006—2007 Іспанія (да 17 гадоў) 25 (2) 2007—2009 Іспанія (да 19 гадоў) 14 (4) 2009 Іспанія (да 20 гадоў) 2 (0) 2008—2013 Іспанія (да 21 года) 9 (0) 2014 Іспанія 1 (0)
Медыяфайлы на Вікісховішчы

Клубная кар’ера

«Атлетыка»

Ігнасіа пачаў сваю кар’еру ў футбольнай школе «Сарагосы», але неўзабаве яго заўважылі скаўты сталічнага «Атлетыка», які ў 2005 годзе запрасіў футбаліста ў сваю футбольную акадэмію. 1 сакавіка 2008 года ў матчы супраць «Барселоны», Камача дэбютаваў у Ла Лізе. «Матрацнікі» атрымалі перамогу з лікам 4:2, а з маладым паўабаронцам быў падпісаны кантракт. 3 мая, за адзін дзень да свайго 18-годдзя, у паядынку супраць «Рэкрэатыва» Ігнасіа забіў свой першы гол у чэмпіянаце Іспаніі.

Нягледзячы на ўдалыя выступы ў дэбютным сезоне, у наступным Камача мала з’яўляўся на поле, абмяжоўваючыся матчамі на Кубак Іспаніі. Галоўны трэнер «Атлетыка», Хаўер Агірэ, рабіў стаўку на партугальца Манішэ і пачаткоўца каманды аргенцінца Эвера Банегу. Сітуацыя крыху палепшылася пасля таго, як Манішэ быў адхілены ад гульняў пасля сутычкі з новым галоўным трэнерам Абелем Рэсінам. Сезон 2009/10 Камача мала гуляў, у асноўным выходзячы ў канцы матчаў.

«Малага»

У пошуках гульнявой практыкі ў снежні 2010 года Ігнасіа перайшоў у «Малагу». 8 студзеня 2011 года ў матчы супраць «Атлетыка» з Більбаа, ён дэбютаваў у новым клубе. Пазней замацаваўся ў аснове і стаў адным з лідараў каманды, а таксама яе віцэ-капітанам.

«Вольфсбург»

У ліпені 2017 года падпісаў чатырохгадовы кантракт з нямецкім «Вольфсбургам», аднак гуляў мала з-за траўм. У верасні 2020 года завяршыў прафесійную кар’еру.

Міжнародная кар’ера

Выступаў за юнацкія і моладзевыя зборныя Іспаніі. 18 лістапада 2014 года дэбютаваў у нацыянальнай зборнай Іспаніі, правёўшы на полі другі тайм таварыскага матчу супраць Германіі (0:1).

Дасягненні

«Атлетыка»:

• Пераможца Лігі Еўропы: 2010
• Уладальнік Суперкубка УЕФА: 2010

Спасылкі

• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце FIFA (англ.)