Іван Вікенцьевіч Дабравольскі

Іван Вікенцьевіч Дабравольскі — скрыпач , дырыжор, кампазітар, фалькларыст, педагог і музычны дзеяч.

Іван Вікенцьевіч Дабравольскі
Дата нараджэння	1780-я
Месца нараджэння	Магілёўская губерня, Расійская імперыя
Дата смерці	1851
Месца смерці	Гродна, Гродзенскі павет, Гродзенская губерня, Літоўскае генерал-губернатарства, Расійская імперыя
Музычная дзейнасць
Прафесіі	дырыжор, скрыпач, кампазітар, фалькларыст, музычны педагог, рэгент, капельмайстар, выдавец, тэатральны рэжысёр, хормайстар, антрэпрэнёр, віяланчэліст
Інструменты	скрыпка і віяланчэль

Біяграфія

Выхадзец з Магілёўшчыны. Быў рэгентам хору і капельмайстрам духавой і інструментальнай музыкі магілёўскага епіскапа Анастасія. Каля 1810 года разам з капэлай пераехаў у Астрахань, дзе правёў больш за 30 гадоў. 3 пачатку 1840-х гадоў працаваў настаўнікам музыкі ў Гродзенскай гімназіі, узначальваў аматарскі аркестр, які выконваў творы кампазітараў-класікаў.

У 1816—1818 гадах ён выдаваў «Азиатский музыкальный журнал». Гэта была першая ў Расіі спроба выкарыстання літаграфскага спосабу ў нотадрукаванні, а таксама запісу, публікацыі і апрацоўкі з ужываннем прыёмаў еўрапейскай кампазітарскай тэхнікі музычнага фальклору народаў Сярэдняй Азіі і Каўказа. У часопісе друкаваліся і інструментальныя п'есы для хатняга музіцыравання, у т.л. самога Дабравольскага («Паланэз» для скрыпкі і інш.).

Літаратура

• 4 // Мысліцелі і асветнікі Беларусі: Энцыкл. даведнік / Беларус. Энцыкл.; Гал. рэд. «Беларус. Энцыкл.»: Б. І. Сачанка (гал. рэд) і інш.; Маст. Э. Э. Жакевіч. — Мн.: БелЭн, 1995.
• Коростин А. Ф. Начало литографии в России, 1816—1818. М., 1943. С. 73-77
• Капилов А. Л. Скрипка белорусская. Мн., 1982.