Сцяпан Вікенцевіч Яцкевіч

Сцяпан Яцкевіч
Сцяпан Яцкевіч
Старшыня Менскага гарадскога выканаўчага камітэта
	жнівень 1924 — красавік 1929
Кіраўнік урада	Язэп Адамовіч; Мікалай Галадзед
Папярэднік	Адам Славінскі
Пераемнік	Нічыпар Аксючыц
Нараджэнне	1 студзеня 1890; Смалявічы, Смалявіцкі раён, Беларусь;
Смерць	17 верасня 1938 (48 гадоў); Расстрэльны палігон «Камунарка», Ленінскі раён[d], Маскоўская вобласць, РСФСР, СССР;
Партыя	Камуністычная партыя Савецкага Саюза;
Бітвы	Першая сусветная вайна; Грамадзянская вайна ў Расіі;

Сцяпа́н Віке́нцевіч^[1] Яцке́віч (1 студзеня 1890, м. Смалявічы, Мінскай губерні — 17 верасня 1938, Камунарка, Маскоўская вобласць) — беларускі дзяржаўны дзеяч, старшыня Менскага гарадскога выканаўчага камітэта (са жніўня 1924 па красавік 1929 года).

Біяграфія правіць

Сцяпан Вікенцьевіч Яцкевіч нарадзіўся 1 студзеня 1890 года ў мястэчку Смалявічы Мінскай губерні ў сям’і рабочых. Пасля заканчэння трохкласнага Мінскага гарадскога вучылішча працаваў на чыгунцы тэлеграфістам. З 1911 года на службе ў арміі. Удзельнік Першай сусветнай вайны. Пасля Лютаўскай рэвалюцыі браў удзел ва ўсталяванні савецкай улады ў Мінску, стаў членам часовай кантрольнай камісіі пры Мінскай гарадской управе. Падчас Грамадзянскай вайны камісар вузла і намеснік камісара галаўнога аддзела на розных прыфрантавых участках Аляксандраўскай чыгункі. Дэмабілізаваўшыся, працаваў на розных пасадах у Менску — старшыня ўчастковага прафсаюза Маскоўска-Беларуска-Балтыйскай чыгункі, дырэктар Менскага прафесійнага вучылішча № 66 чыгуначнікаў, упаўнаважаны Наркамата шляхоў зносін па Менскім участку^[1].

Са жніўня 1924 да красавіка 1929 года старшыня Менскага гарадскога выканаўчага камітэта, адначасова ў 1925—1928 гг. старшыня Менскага акруговага выканаўчага камітэта.

З красавіка 1929 года начальнік Галоўнага ўпраўлення шашэйных, грунтавых дарог і аўтамабільнага транспарту Беларускай ССР, з 1934 года ў Маскве, начальнік Упраўлення капітальнага будаўніцтва Галоўнага ўпраўлення шашэйных дарог НКУС СССР.

7 красавіка 1938 года быў арыштаваны^[2], быў асуджаны за ўдзел у контррэвалюцыйнай тэрарыстычнай арганізацыі і 17 верасня 1938 года Ваеннай калегіяй Вярхоўнага суда СССР прыгавораны да расстрэлу, які неадкладна быў выкананы. 26 студзеня 1957 года Сцяпан Яцкевіч быў рэабілітаваны той жа Ваеннай калегіяй Вярхоўнага Суда СССР.

Зноскі

↑ ^а ^б Иван Петровский. Когда неистовствовал нэп (руск.)(недаступная спасылка). Газета «Минский курьер» (3 лістапада 2017). Архівавана з першакрыніцы 18 лютага 2020.
↑ Яцкевич Степан Викентьевич (1890)

[МК-1] а ^б Иван Петровский. Когда неистовствовал нэп (руск.)(недаступная спасылка). Газета «Минский курьер» (3 лістапада 2017). Архівавана з першакрыніцы 18 лютага 2020.

[2] Яцкевич Степан Викентьевич (1890)

[1]

[2]