Аляксандр Валянцінавіч Патліс
Алякса́ндр Валянцінавіч Па́тліс — беларускі спявак, удзельнік музычнага гурта Новый Иерусалим[1].
| Аляксандр Патліс | |
|---|---|
 А. Патліс у 2008 годзе | |
| Асноўная інфармацыя | |
| Поўнае імя | Аляксандр Валянцінавіч Патліс |
| Дата нараджэння | 13 кастрычніка 1970 (53 гады) |
| Месца нараджэння | Гродна |
| Краіна | Беларусь |
| Музычная дзейнасць | |
| Прафесіі |
Спявак Кампазітар Прапаведнік |
| Гады актыўнасці | 1987-па сённяшні дзень |
| Інструменты | Баян |
| Жанры | Хрысціянскі рок |
| Калектывы |
Истина Алые погоны Новый Иерусалим Alex Patlis Band |
| Лэйблы | West Records |
| alexpatlis.com | |
Біяграфія
правіцьНарадзіўся 13 кастрычніка 1970 года ў Гродна[2]. У пяцігадовым узросце прайшоў адбор у рэспубліканскую школу пры дзяржаўнай кансерваторыі ў Мінску. Аднак па сямейных абставінах застаўся ў родным горадзе[2]. Ва ўзросце дзевяці гадоў паступіў у гарадскую музычную школу па класе баяна. У 14 год паступіў у Гродзенскую музычную вучэльню па тым самым інструменце.
У сямнаццацігадовым узросце, ужо маючы досвед выступаў на канцэртах і вяселлях, атрымаў запрашэнне стаць спеваком вядомага ў горадзе гурта «Истина»[2].
Вайсковую службу праходзіў у Мінску, удзельнічаў у ваенным ансамблі «Алые погоны». За два гады службы ён правёў каля 200 канцэртаў. У 1991 годзе сышоў у запас у чыне малодшага сяржанта. Знаходзячыся ў войску, пачаў чытаць Біблію. Гэта моцна паўплывала на ягоны ўнутраны свет, змяніла жыццёвыя прынцыпы і стаўленне да жыцця[2].
2 сакавіка 1991 года ажаніўся з Таццянай Галіноўскай. У 1992 годзе ў іх нарадзілася дачка Настасся[2].
Хрысціянскі перыяд творчасці
правіцьПад канец 1991 года Аляксандр сустрэў музыкаў гурта «Catty Sark» Ігара Капылава, Вадзіма Калацэя, Аляксандра Манецкага і іншых. Праз нейкі час яны знаёмяцца з Веніямінам Брухам, Уладзімірам Сокалам і Сандэем Адэладжа. Гэтыя сустрэчы памянялі не толькі ўнутраны свет музыкаў, але і напрамак іх творчасці. Яны прымаюць рашэнне стварыць хрысціянскі гурт. Ягоны першы канцэрт пад назвай «Новый Иерусалим» адбыўся 17 мая 1992 года ў Палацы культуры тонкасуконнага камбіната Мінска. Гэты дзень лічыцца днём нараджэння гурта.
За час супрацоўніцтва з Аляксандрам Патлісам «Новый Иерусалим» запісаў 8 альбомаў[2]. Песня «Я знаю любовь» з альбома «Ну что ты думаешь об этом?» стала лепшай песняй 1997 года ў Беларусі, а «Любовь в ладонях» (альбом «Неба осколки») стала лепшай у 2004[2]. У складзе гурта Аляксандр адыграў больш за 1000 канцэртаў[2] як на Беларусі, так і ў ЗША, Бельгіі, Нідэрландах, Германіі, Украіне, Расіі, Латвіі[3].
У 2006 годзе Аляксандр пакінуў гурт Новый Иерусалим, жадаючы заняцца сольнай кар’ерай[4]. У 2016 годзе вярнуўся у калектыў.
Сольная кар’ера
правіцьУ верасні 2006 года Аляксандр пачаў уласную кар’еру, пакінуўшы гурт «Новый Иерусалим». У снежні таго ж года ягоная песня «Для тебя» увайшла ў зборнік лепшых песень Беларусі, выдадзены кампаніяй West Records. 21 мая 2008 года Аляксандр прэзентаваў свой першы сольны альбом пад назвай «Второе Дыхание»[5][6]. У снежні 2008 года гурт «Alex Patlis Band» прыняў удзел у адборачным туры конкурса «Еўрабачанне-2009», аднак саступіў іншым удзельнікам.
У 2011 годзе прадставіў публіцы другі сольны альбом «Читай мои мысли»[7][8].
Ацэнкі
правіцьВіталь Артыст, франтмен «Без Билета», у 2008 годзе для «Салідарнасці» сярод заметных музыкаў вылучыў Аляксандра Патліса, якога ён паважае[9].
Дыскаграфія
правіцьНовый Иерусалим
правіць- «Бог Святой» (1993)
- «Возвращайся домой» (1995)
- «Ну что ты думаешь об этом?» (1997)
- «Новый Иерусалим» (1999)
- «The Best» (2001, англ.)
- «Неба осколки» (2002)
- «The Fragments of Heaven» (2002, англ.)
- «Время благоприятное» (2005)
Аляксандр Патліс
правіцьЗноскі
- ↑ Брест : На Советской открылось новое кафе - Paragraph (руск.). Виртуальный Брест (20 чэрвеня 2014). Архівавана з першакрыніцы 6 сакавіка 2020. Праверана 6 сакавіка 2020.
- ↑ а б в г д е ё ж Александр Патлис: Биография (руск.). Официальный сайт Александра Патлиса. Праверана 14 ліпеня 2009.
- ↑ История группы (руск.). «Новы Ерусалім». Архівавана з першакрыніцы 10 красавіка 2008. Праверана 25 чэрвеня 2017.
- ↑ Александр Патлис ушел из "Нового Иерусалима" Архівавана 6 кастрычніка 2014. / Naviny.by
- ↑ Прогулявшись по музыкальным магазинам, мы обнаружили множество свежих белорусских CD (руск.). KP.BY (27 чэрвеня 2008). Архівавана з першакрыніцы 14 сакавіка 2020. Праверана 14 сакавіка 2020.
- ↑ а б Александр Патлис "Второе дыхание" (руск.). Experty.by (18 ліпеня 2008). Праверана 25 чэрвеня 2017.
- ↑ а б Александр Патлис "Читай мои мысли" (+аудио) / Experty.by
- ↑ Будкін, Сяргей. Аляксандр Патліс – Читай мои мысли, 2011 . Будзьма беларусамі! (30 чэрвеня 2011). Архівавана з першакрыніцы 4 сакавіка 2020. Праверана 4 сакавіка 2020.
- ↑ Шахнович, Татьяна. Виталий Артист: «Нет шоу-бизнеса – идите в дворники» (руск.). Салідарнасць (16 мая 2008). Архівавана з першакрыніцы 11 сакавіка 2020. Праверана 12 сакавіка 2020.
Спасылкі
правіць- Афіцыйны сайт (англ.) (руск.)