Аляксандр Анатолевіч Кобец

Аляксандр Кобец (нар. 11 чэрвеня 1981, Салігорск) — былы беларускі футбаліст, паўабаронца.

Аляксандр Кобец
Поўнае імя	Аляксандр Анатолевіч Кобец
Нарадзіўся	11 чэрвеня 1981(1981-06-11) (43 гады) Салігорск, Салігорскі раён, Мінская вобласць, БССР, СССР
Грамадзянства	Беларусь
Рост	170 см
Вага	68 кг
Пазіцыя	паўабаронца
Клубная кар’ера
1999—2000 Старыя Дарогі 28 (3) 2001—2006 БАТЭ (Барысаў) 112 (20) 2007—2008 Гомель 33 (7) 2008—2010 Віцебск 62 (8) 2011—2012 Нафтан (Наваполацк) 57 (3) 2013—2016 Славія-Мазыр 84 (4)
Нацыянальная зборная
2001—2004 Беларусь (да 21) 9 (1)

Кар’ера

Клубная

Выхаванец салігорскай ДЮСШ, кар’еру пачынаў у Другой лізе ў складзе клуба «Старыя Дарогі». Пазней шэсць гадоў гуляў за барысаўскі БАТЭ, з якім двойчы станавіўся чэмпіёнам краіны. Потым гуляў за «Гомель» і «Віцебск».

У студзені 2011 года падпісаў кантракт з наваполацкім «Нафтанам», дзе стала выступаў у асноўным складзе.

У сакавіку 2013 года перайшоў у мазырскую «Славію». Спачатку не трапляў у аснову і толькі зрэдку выхадзіў на замену. У канцы сезону, аднак, стаў з’яўляцца ў стартавым складзе каманды, але не здолеў выратаваць яе ад вылету ў Першую лігу.

Па заканчэнні сезону 2013 пакінуў «Славію», але перад пачаткам новага сезону вярнуўся ў яе склад і стаў адным з лідараў клуба ў Першай лізе. У выніку дапамог клубу вярнуцца ў элітны дывізіён. Сезон 2015 пачаў, выходзячы на замену, але неўзабаве замацаваўся ў стартавым складзе мазыран. У сезоне 2016 з’яўляўся на полі нерэгулярна, і па заканчэнні сезону пакінуў каманду і завяршыў кар’еру.

Міжнародная

Гуляў за моладзевую зборную Беларусі.

Дасягненні

• 01 Чэмпіён Беларусі (2): 2002, 2006
• 02 Срэбраны прызёр чэмпіянату Беларусі (3): 2003, 2004, 2007
• 03 Бронзавы прызёр чэмпіянату Беларусі: 2001
• Уладальнік Кубка Беларусі (2): 2006, 2012
• У спісе 22 найлепшых ігракоў чэмпіянату Беларусі (2): 2005, 2007