ФК Славія Мазыр

Славія Мазыр
Славія Мазыр
Поўная назва	КСУП «Футбольны клуб „Славія-Мазыр”»
Заснаваны	1987
Горад	Мазыр, Беларусь
Стадыён	«Юнацтва»; Умяшчальнасць: 5353
Дырэктар	Андрэй Васілец
Галоўны трэнер	Іван Біёнчык
Чэмпіянат	Вышэйшая ліга
2022	10 месца
Сайт	Афіцыйны сайт
Асноўная; форма	Гасцявая; форма

«Славія» — беларускі футбольны клуб з горада Мазыр, заснаваны ў 1987 годзе. У цяперашні час выступае ў Вышэйшай лізе чэмпіянату Беларусі.

ГісторыяПравіць

Клуб быў створаны пад назвай «Палессе» ў 1987 годзе. З 1995 па 2005 гады выступаў у Вышэйшай лізе Беларусі пад назвай МПКЦ (Мазырскі Прамыслова-Камерцыйны Цэнтр), а з 1998 года — «Славія». Спыніў існаванне пасля няўдалага для клуба сезона 2005 года, які скончыўся вылетам у Першую лігу.

У пачатку 2006 года, у выніку аб’яднання гомельскага ЗЛіНа і «Славіі» быў створаны новы клуб – «Мазыр-ЗЛІН». Пры аб’яднанні за аснову была ўзята каманда ЗЛіН, пры гэтым новы клуб ствараўся ў Мазыры на матэрыяльнай базе «Славіі», што спыніла існаванне. З пачатку 2007 года клуб выступаў пад назвай «Мазыр». Па заканчэнні сезона 2007 кіраўніцтвам горада было вырашана вярнуць камандзе назву «Славія-Мазыр». У 2011 годзе клуб заняў першае месца ў Першай лізе чэмпіянату Беларусі і заваяваў права выступаць у наступным сезоне ў Вышэйшай лізе.

У Вышэйшай лізе «Славія» не паказвала добрых вынікаў. У сезоне 2012 мазырскі клуб доўгі час ішоў у зоне вылету, але сумеў пазбегнуць яго, заняўшы 10 месца. У сезоне 2013 «Славія» хутка апынулася на апошнім радку і, нягледзячы на неблагую гульню ўлетку, не змагла яго пакінуць. У выніку каманда зноў вылецела ў Першую лігу.

У сезоне 2014 змяніўся амаль увесь склад каманды. Новы галоўны трэнер Юрый Пунтус зрабіў стаўку на шэраг ветэранаў і перспектыўных маладых ігракоў (многія перайшлі да Пунтуса з яго былога клуба — «Смалявічаў-СТІ»). У выніку «Славія» хутка стала аднім з лідараў лігі. У сярэдзіне сезона мазыране разам з мікашэвіцкім «Гранітам» значна адарваліся ад канкурэнтаў. Гарантаваўшы за некалькі тураў да фінішу вяртанне ў Вышэйшую лігу, «Славія» саступіла першае месца «Граніту».

У сезоне 2015 «Славія» захавала склад папярэдняга сезона, узмацніўшыся шэрагам маладых ігракоў з ніжэйшых ліг. Каманда добра пачала выступ у Вышэйшай лізе, апынуўшыся ў сярэдзіне табліцы. У многім гэта адбылося дзякуючы высокім бамбардзірскім паказчыкам нападніка мазыран Дзяніса Лапцева, які ў 13 матчах здолеў забіць 9 галоў. Улетку Лапцеў перайшоў у расійскі клуб «Тосна», а «Славія» стала выступаць горш, неўзабаве наблізіўшыся да зоны вылету. Толькі пасля перамогі ў перадапошнім туры над «Гомелем» (3:1) мазыране гарантавалі месца ў Вышэйшай лізе на наступны сезон. У выніку каманда скончыла чэмпіянат на 10-м радку табліцы.

Сезон 2016 «Славія» прайшла роўна, але на прэтэндавала на высокія месцы, зноў спыніўшыся ў выніку на 10-м радку. Найбольш яркімі момантамі каманды сталі хатняя перамога над чэмпіёнам краіны БАТЭ (2:1), а таксама звышвыніковыя матчы з «Мінскам» — абодва скончыліся перамогамі гаспадароў з лікам 6:2.

Сезон 2017 атрымаўся для мазырскага клуба няўдалым. З пачатку сезона каманда апынулася ўнізе табліцы, аднак мела пеавагу перад «Нафтанам» і «Іслаччу», якія пачалі чэмпіянат з ачковымі штрафамі. У другой палове сезона «Славія» атрымала ўсяго адну перамогу, у той час як «Іслач» стала набіраць ачкі і, перагнаўшы мазырскую каманду, пакінула яе на 15-м месцы. Перад апошнім турам галоўны трэнер Юрый Пунтус быў адхілены ад кіравання камандай, аднак пад кіраўніцтвам Міхаіла Марціновіча «Славія» саступіла ў апошнім туры «Тарпеда-БелАЗ» (0:2), засталася на перадапошнім радку і вылецела ў Першую лігу.

Перад сезонам 2018 Міхаіл Марціновіч быў зацверджаны галоўным трэнерам. Клуб здолеў захаваць асноўных ігракоў, у тым ліку легіянераў Ігара Кастрова і Максіма Слюсара, аднак пры гэтым больш шанцаў атрымала моладзь. Нягледячы на няўдалы старт, «Славія» хутка далучылася да шэрагу лідараў і ў барацьбе з «Энергетыкам-БДУ» і «Белшынай» выйшла пераможцам, за тур да фінішу забяспечыўшы сабе першы радок. «Славія» стала таксама першай камандай у Вышэйшай і Першай лігах Беларусі з часу іх заснавання ў 1992 годзе, якая за сезон не пацярпела ніводнага паражэння.

Сезон 2019 у Вышэйшай лізе каманда пачала добра, аднак у другой палове сезона вынікі сталі пагаршацца. Тым не менш, паспяховы фініш дазволіў «Славіі» заняць восьмы радок. Сезон 2020 каманда праводзіла пераважна ў ніжняй палове табліцы і ў выніку стала дзявятай. Сезон 2021 пачаўся для каманды дрэнна, яна доўгі час знаходзілася ў зоне вылету, пазней добры адрэзак дазволіў адарвацца ад апошніх радкоў, але ў выніку «Славія» фінішавала на 14-м месцы і толькі дзякуючы перамозе ў стыкавых матчах супраць «Крумкачоў» захавала месца ў Вышэйшай лізе. У 2022 годзе «Славія» звычайна знаходзілася ў сярэдзіне табліцы, аднак у другой палове сезона вынікі пагоршыліся, і пасля няўдалай серыі (чатыры паражэнні запар) у кастрычніку замест Марціновіча новым глоўным трэнерам быў прызначаны Іван Біёнчык. Чэмпіянат мазыране скончылі дзясятымі.

ЭмблемыПравіць

Гісторыя эмблем «Славіі»
да 2013 года
з 2014 года

Папярэднія назвыПравіць

1987—1994: «Палессе»
1995—1997: МВКЦ
1998—2005: «Славія»
2006: «Мазыр-ЗЛіН»
2007: «Мазыр»
з 2008: «Славія-Мазыр»

ДасягненніПравіць

01 Чэмпіён Беларусі (2): 1996, 2000
02 Срэбраны прызёр чэмпіянату Беларусі (2): 1995, 1999
Уладальнік Кубка Беларусі (2): 1996 і 2000
Пераможца Першай лігі чэмпіянату Беларусі (3): 1994/1995, 2011, 2018

Цяперашні складПравіць

Станам на май 2023 года, згодна з афіцыйным сайтам клуба^[1].


№	Паз.	Імя	Нар.
16	Бр	Даніла Сокал	2001
22	Бр	Яўген Іваненка	1995
49	Бр	Арцём Каратай (у арэндзе з «Дынама» Мінск)	2004
	Бр	Антон Амельчанка	1985

4	Аб	Данііл Пруднік	2004
12	Аб	Аляксей Іваноў	1997
19	Аб	Ілья Руцкі (капітан)	1999
31	Аб	Андрэй Залескі	1991
50	Аб	Аляксей Шалашнікаў (у арэндзе з БАТЭ)	2002
81	Аб	Мікіта Мельнікаў	1999

5	ПА	Сяргей Ціханоўскі	1990
6	ПА	Крысціян Дрос	1998
7	ПА	Ігар Кастроў	1987


№	Паз.	Імя	Нар.
8	ПА	Яўген Барсукоў	1990
13	ПА	Уладзіслаў Полаз	2001
14	ПА	Сяргей Сазончык	2000
17	ПА	Павел Катляроў	2004
18	ПА	Уладзіслаў Жук	1994
23	ПА	Аляксей Анцілеўскі (у арэндзе з «Тарпеда-БелАЗ»)	2002
44	ПА	Ягор Крэс	2003
88	ПА	Мікалай Рабых	2001
96	ПА	Валерый Патароча	1996

9	Нап	Андрэй Кобец	1997
11	Нап	Арцём Пятрэнка	2000
20	Нап	Андрэй Панюкоў	1994
95	Нап	Максім Жумабекаў (у арэндзе з «Хімкаў»)	1999

Ігракі ў арэндзеПравіць


№		Паз.	Імя	Нар.
77		Нап	Даніла Слесарчук (у «Лідзе» да снежня 2023 года)	2001

Рэзервовы складПравіць


№	Паз.	Імя	Нар.
	Бр	Арцём Крэнт	2005
	Бр	Дзмітрый Кунец	2000
	Бр	Станіслаў Марціновіч	2005
	Бр	Сяргей Паграноўскі	2004
	Бр	Іван Уласаў	2004

	Аб	Дзмітрый Браім	2002
	Аб	Міхаіл Віткоўскі	2004
	Аб	Аляксандр Мішчанка	2005
	Аб	Максім Патапаў	2003
	Аб	Ілья Рабешка	2002
	Аб	Аляксей Тупік	2004
	Аб	Віктар Цясёлкін	2003
	Аб	Андрэй Чупін	2001

98	ПА	Дзмітрый Крывашэеў	1998
	ПА	Уладзіслаў Андрасовіч	2003
	ПА	Максім Бокараў	2003


Паз.	Імя	Нар.
ПА	Юрый Васіленка	2004
ПА	Ву Шуан Тхань	2000
ПА	Аляксандр Галавачоў	2005
ПА	Аляксандр Дыгун	2001
ПА	Мікіта Мадзяр	2004
ПА	Іван Мазуркевіч	2005
ПА	Яраслаў Піскун	2003
ПА	Аляксандр Рафаловіч	2000
ПА	Уладзіслаў Савіцкі	2004
ПА	Дзяніс Тарасенка	2004
ПА	Данііл Цык	2005

Нап	Дзмітрый Аўрамчук	2003
Нап	Мікіта Жулега	2004
Нап	Уладзіслаў Карабун	2003
Нап	Аляксей Судзянкоў	2005

Трэнерскі штабПравіць

Іван Біёнчык (нар. 1985) — галоўны трэнер
Ігар Кунаш (нар. 1977) — трэнер
Максім Сухавееў (нар. 1979) — трэнер
Дзмітрый Турчын (нар. 1988) — трэнер
Антон Амельчанка (нар. 1985) — трэнер брамнікаў
Аляксандр Раеўскі (нар. 1988) — галоўны трэнер дубля
Міхаіл Лакамы (нар. 1976) — трэнер дубля
Вадзім Цябус (нар. 1978) — трэнер дубля

Статыстыка выступленняўПравіць

Чэмпіянат і Кубак БеларусіПравіць

Сезон	Ліга	М	Г	В	Н	П	Галы	Ачкі	Кубак	Заўвагі
1992	Другая (Д2)	7	15	5	6	4	18–22	16	1/32 фіналу
1992/93	Другая (Д2)	2	30	22	5	3	54–14	49	1/32 фіналу
1993/94	Другая (Д2)	2	28	19	5	4	48–18	43	1/16 фіналу
1994/95	Другая (Д2)	1	30	24	3	3	106–17	51	Чвэрцьфінал	Выхад у Першую лігу
1995	Першая (Д1)	2	15	11	3	1	44–9	36	Пераможца
1996	Першая (Д1)	1	30	24	4	2	64–17	76	1/8 фіналу
1997	Першая (Д1)	6	30	12	7	11	39–30	43	Чвэрцьфінал
1998	Вышэйшая (Д1)	6	28	12	9	7	41–36	45	Фіналіст	Змена назваў ліг
1999	Вышэйшая (Д1)	2	30	20	5	5	74–25	65	Пераможца
2000	Вышэйшая (Д1)	1	30	23	5	2	78–25	74	Фіналіст
2001	Вышэйшая (Д1)	7	26	13	5	8	49–27	44	Чвэрцьфінал
2002	Вышэйшая (Д1)	11	26	6	6	14	38–61	24	1/8 фіналу
2003	Вышэйшая (Д1)	14	30	6	7	17	29–64	25	1/16 фіналу
2004	Вышэйшая (Д1)	12	30	9	4	17	32–51	31	1/8 фіналу
2005	Вышэйшая (Д1)	14	26	2	5	19	14–60	11	1/8 фіналу	Вылет у Першую лігу
2006	Першая (Д2)	4	26	11	10	5	44–24	43	1/16 фіналу
2007	Першая (Д2)	13	26	4	6	16	26–44	18	1/16 фіналу
2008	Першая (Д2)	13	26	6	5	15	33–62	23	1/16 фіналу
2009	Першая (Д2)	13	27^[A]	5	8	14	23–41	23	1/8 фіналу
2010	Першая (Д2)	9	30	10	7	13	33–44	37	1/16 фіналу
2011	Першая (Д2)	1	30	22	5	3	53–15	71	1/16 фіналу	Выхад у Вышэйшую лігу
2012	Вышэйшая (Д1)	10	30	7	6	17	22–58	27	1/8 фіналу
2013	Вышэйшая (Д1)	12	32	5	8	19	24–47	23	1/8 фіналу	Вылет у Першую лігу
2014	Першая (Д2)	2	30	18	6	6	55–38	60	1/16 фіналу	Выхад у Вышэйшую лігу
2015	Вышэйшая (Д1)	10	26	7	5	14	33–50	26	1/8 фіналу
2016	Вышэйшая (Д1)	10	30	9	8	13	33–49	35	1/8 фіналу
2017	Вышэйшая (Д1)	15	30	4	8	18	26–50	20	1/16 фіналу	Вылет у Першую лігу
2018	Першая (Д2)	1	28	21	7	0	69–13	70	1/8 фіналу	Выхад у Вышэйшую лігу
2019	Вышэйшая (Д1)	8	30	10	7	13	35–40	37	Паўфінал
2020	Вышэйшая (Д1)	9	30	10	9	11	41–49	39	1/8 фіналу
2021	Вышэйшая (Д1)	14	30	8	8	14	42–50	32	1/8 фіналу
2021	Пераходныя матчы^[B]		2	1	1	0	1–0		1/8 фіналу
2022	Вышэйшая (Д1)	10	30	10	7	13	42–46	37	Паўфінал

↑ Улічваючы дадатковы матч за права застацца ў Першай лізе супраць шклоўскага «Спартака» (перамога 2:1).
↑ Пераходныя матчы за месца ў Вышэйшай лізе супраць «Крумкачоў» (Мінск), трэцяй каманды Першай лігі 2021.

Міжнародныя кубкіПравіць

Сезон	Кубак	Раўнд		Першыя матчы	Адказныя матчы	Вынік
1996—1997	Кубак Кубкаў	Папярэдні раўнд	Рэйк’явік	2:2 (Х)	0:1 (Г)	2:3
1997—1998	Ліга чэмпіёнаў	1 к/р	Канструктарул (Кішынёў)	1:1 (Г)	3:2 (Х)	4:3
1997—1998	Ліга чэмпіёнаў	2 к/р	Алімпіякос (Пірэй)	0:5 (Г)	2:2 (Х)	2:7
1997—1998	Кубак УЕФА	1 раўнд	Дынама (Тбілісі)	1:1 (Х)	0:1 (Г)	1:2
2000—2001	Кубак УЕФА	1 к/р	Макабі (Хайфа)	1:1 (Х)	0:0 (Г)	1:1 (в.г. 0:1)
2001—2002	Ліга чэмпіёнаў	1 к/р	ВБ (Вагур)	0:0 (Г)	5:0 (Х)	5:0
2001—2002	Ліга чэмпіёнаў	2 к/р	Інтэр (Браціслава)	0:1 (Х)	0:1 (Г)	0:2

Неафіцыйныя турнірыПравіць

Сезон	Кубак	Раўнд		Вынік
1997	Кубак чэмпіёнаў Садружнасці	Група D	Зборная клубаў Расіі	2:5
			Сконта	1:2
			Капетдаг	0:3
2001	Кубак чэмпіёнаў Садружнасці	Група А	Спартак (Масква)	1:3
			Варзоб	1:1
			Каўнас	4:3