Вікіпедыя

Аляксей Дзмітрыевіч Іваноў

беларускі футбаліст
У Вікіпедыі ёсць артыкулы пра іншых асоб з падобнымі імёнамі, гл. Іваноў і Аляксей Іваноў.

Аляксей Іваноў (нар. 19 лютага 1997, Мінск) — беларускі футбаліст, абаронца мазырскай «Славіі».

Футбол
Аляксей Іваноў
Поўнае імя Аляксей Дзмітрыевіч Іваноў
Нарадзіўся 19 лютага 1997(1997-02-19)[1] (26 гадоў)
Грамадзянства Flag of Belarus.svg Беларусь
Рост 182 см
Вага 79 кг[2]
Пазіцыя абаронца
Інфармацыя пра клуб
Клуб Беларусь Славія
Нумар 12
Клубная кар’ера[* 1]
2014—2016 Беларусь Мінск 2 (0)
2016 →  Беларусь Дынама (Брэст) 15 (0)
2017—2019 Беларусь Дынама (Брэст) 10 (1)
2018 →  Беларусь Прамень (Мінск) 26 (1)
2019—2020 Беларусь Мінск 16 (0)
2021 Беларусь Гомель 23 (2)
2022 Беларусь Тарпеда-БелАЗ (Жодзіна) 13 (0)
2023— Беларусь Славія (Мазыр)
Нацыянальная зборная[* 2]
2015 Беларусь Беларусь (да 19) 3 (1)
2016—2018 Беларусь Беларусь (да 21) 14 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 студзеня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 16 кастрычніка 2018

Клубная кар’ераПравіць

Выхаванец футбольнага клуба «Мінск», з 2014 года пачаў выступаць за дубль і хутка замацаваўся ў яго складзе. 8 лістапада 2014 года дэбютаваў у Вышэйшай лізе ў асноўнай камандзе «Мінска», выйшаўшы на замену ў канцы матча супраць магілёўскага «Дняпра» (2:0). У сезоне 2015 працягваў гуляць за дубль, таксама выйшаў на замену ў адным матчы Вышэйшай лігі.

У ліпені 2016 года на правах арэнды далучыўся да брэсцкага «Дынама»[3], дзе замацаваўся ў асноўным складзе на пазіцыі левага абаронцы. У студзені 2017 года быў выкуплены брэсцкім клубам[4]. У першай палове сезона 2017 з’яўляўся на полі нерэгулярна, а потым увогуле страціў месца ў асноўным складзе і стаў выступаць за дубль.

У пачатку 2018 года прайшоў два турэцкія зборы з «Дынама», пасля чаго ў лютым 2018 года далучыўся да сталічнага «Промня», які неўзабаве дамовіўся аб арэндзе абаронцы на сезон 2018[5]. У «Промні» неўзабаве замацаваўся ў стартавым складзе. У снежні 2018 года па заканчэнні арэнды вярнуўся ў Брэст[6].

У першай палове 2019 года выступаў за дубль дынамаўцаў, за асноўную каманду згуляў толькі ў адным матчы Кубка Беларусі. У жніўні 2019 года разарваў кантракт з брэсцкім клубам і неўзабаве ў якасці свабоднага агента вярнуўся ў «Мінск»[7]. У 2019 годзе звычайна гуляў у стратавым складзе мінчан, а ў сезоне 2020 часцей заставаўся на лаўцы запасных.

У студзені 2021 года падпісаў кантракт з «Гомелем»[8], дзе хутка замацаваўся ў стартавым складзе. У студзені 2022 года перайшоў у «Тарпеда-БелАЗ»[9]. Пачынаў сезон 2022 у стартавым складзе каманды, а з лета стаў часцей заставацца на лаўцы запасных. У снежні 2022 года па заканчэнні кантракта пакінуў жодзінскі клуб[10].

У студзені 2023 года стаў іграком мазырскай «Славіі»[11], з трэнерам якой Іванам Біёнчыкам працаваў раней у «Промні» і «Гомелі».

Міжнародная кар’ераПравіць

Увосень 2015 года ў складзе юніёрскай зборнай Беларусі (да 19) прымаў удзел у кваліфікацыйным раўндзе чэмпіянату Еўропы, дзе адзначыўся голам у браму Сан-Марына.

11 лістапада 2016 года дэбютаваў у моладзевай зборнай Беларусі ў таварыскім матчы са зборнай Украіны, адгуляўшы ўсе 90 хвілін на пазіцыі левага абаронцы.

ДасягненніПравіць

Статыстыка выступленняўПравіць

Сезон Дывізіён Клуб Краіна Матчы Галы
2014 Д1 Мінск   1 0
2015 Д1 Мінск   1 0
2016 (1) дубль Мінск   15 2
2016 (2) Д1 Дынама   15 0
2017 Д1 Дынама   10 1
2018 Д1 Прамень   26 1
2019 (1) дубль Дынама   4 1
2019 (2) Д1 Мінск   8 0
2020 Д1 Мінск   8 0
2021 Д1 Гомель   23 2
2022 Д1 Тарпеда-БелАЗ   13 0

Зноскі

  1. ↑ Aleksey Ivanov // Transfermarkt — 2000. Праверана 9 кастрычніка 2017.
  2. ↑ https://www.pressball.by/footballstat/aleksei_ivanov/
  3. ↑ Торрес, Букаткин, Фамейе, Гаврилович и еще пять игроков подписали контракты с брестским "Динамо"
  4. ↑ Алексей Иванов подписал контракт с брестским "Динамо"
  5. ↑ Алексей Иванов стал игроком "Луча"
  6. ↑ Алексей Иванов вернулся из аренды в Луче Архівавана 29 сакавіка 2019.
  7. ↑ Алексей Иванов перешел из брестского "Динамо" в "Минск"
  8. ↑ Защитник Алексей Иванов перешел в "Гомель"
  9. ↑ Алексей Иванов перешел из "Гомеля" в "Торпедо"-БелАЗ
  10. ↑ "Торпедо-БелАЗ" расстался с Ивановым (руск.). football.by (30 снежня 2022). Праверана 30 снежня 2022.
  11. ↑ Алексей Иванов заключил контракт со "Славией" (руск.). football.by (12 студзеня 2023). Праверана 12 студзеня 2023.
Узята з "https://be.wikipedia.org/w/index.php?title=Аляксей_Дзмітрыевіч_Іваноў&oldid=4315084"