ФК Ліда
«Ліда» — беларускі футбольны клуб з горада Ліда, заснаваны ў 1962 годзе. У цяперашні час выступае ў Першай лізе чэмпіянату Беларусі. Хатнія сустрэчы праводзіць на стадыёне «Старт».
| Ліда | |||
|---|---|---|---|
 | |||
| Поўная назва | ДУ «Футбольны клуб „Ліда“» | ||
| Заснаваны | 1962 | ||
| Горад | Ліда, Беларусь | ||
| Стадыён |
«Старт» Умяшчальнасць: 3000 |
||
| Дырэктар | Іван Дубатоўка | ||
| Галоўны трэнер | Аляксей Дабравольскі | ||
| Чэмпіянат | Першая ліга | ||
| 2023 | 10 месца | ||
| Сайт | Афіцыйны сайт | ||
| |||
Гісторыя
правіцьУ 1992—2000 гадах (з перапынкамі) гуляла ў Вышэйшай лізе. З 2001 года выступае ў Першай лізе, двойчы (па выніках сезонаў 2006 і 2010) апускаліся ў Другую лігу.
2013
правіцьУ пачатку 2013 года быў адкрыты новы стадыён «Старт», дзе «Ліда» стала праводзіць свае хатнія матчы нароўні з ранейшым стадыёнам «Юнацтва».
У сезоне 2013 «Ліда» мела добры склад, у якім галоўным чынам выступалі ўласныя выхаванцы. Каманда выдала добры старт, не атрымаўшы ніводнага паражэння за першыя 10 тураў. У многім гэта адбылося дзякуючы намаганням нападніка Ігара Крывабока, які хутка ўзначаліў табліцу бамбардзіраў усёй Першай лігі. Але ў ліпені Крывабок перайшоў у наваполацкі «Нафтан», а «Ліда» выдала некалькі дрэнных матчаў (сярод іх паражэнне ў Кубку Беларусі ад «Смаргоні» 0:5).
У жніўні гульня каманды зноў наладзілася. Замест Крывабока лідарства ў камандзе ўзяў іншы ветэран, Дзмітрый Кавалёнак. У выніку «Ліда» выйшла на чацвёртае месца і нават навязвала барацьбу «Віцебску» за трэці радок. Тым не менш, у канцы турніру камандзе прыйшлося бараніць сваё чацвёртае месца ад «Бярозы-2010». Толькі дзякуючы перамозе ў апошнім туры над «Гарадзеяй» (2:0) «Ліда» змагла заняць чацвёртае месца, якое стала найлепшым для каманды з 2001 года.
2014
правіцьУзімку 2014 «Ліду» пакінулі вопытныя ігракі: Віталь Надзіеўскі і Віталь Тарашчык завяршылі кар’еру, а ўжо перад самым пачаткам сезона ў склад гродзенскага «Нёмана» вярнуўся Дзмітрый Кавалёнак. У выніку каманда, хоць і захавала большую частку ігракоў, ужо не здолела змагацца за высокія месцы і большую частку сезона правяла ў сярэдзіне табліцы. Але, правальны канец сезона адкінуў «Ліду» на 14 месца з 16.
2015
правіцьУ сезоне 2015 у «Лідзе» адбылася змена на трэнерскім мастку: замест Андрэя Пятрова каманду ўзначаліў былы брамнік клуба Максім Лычоў, які раней уваходзіў у трэнерскі штаб. Нягледзячы на тое, што клуб пакінула значная колькасць ігракоў, гэта было кампенсавана запрашэннем шэрагу выканаўцаў, як Эдуард Чудноўскі і Сяргей Кавалюк. «Ліда» няўдала пачала сезон, атрымаўшы два паражэнні на старце, але потым стала атрымліваць перамогу за перамогай, і першы круг каманда скончыла на трэцім месцы, якое давала права на выхад у Вышэйшую лігу. Падчас летняга трансфернага акна Кавалюк перайшоў у гродзенскі «Нёман», і другі круг «Ліда» правяла няўдала, хутка выбыўшы з барацьбы за медалі. Сезон каманда скончыла на шостым месцы.
2016
правіцьУ пачатку сезона 2016 галоўным трэнерам «Ліды» быў прызначаны Віталь Тарашчык. Аднак, ужо ў чэрвені ён пакінуў сваю пасаду, на той момант каманда знаходзілася ў сярэдзіне табліцы. У жніўні 2016 года новым трэнерам стаў Вячаслаў Герашчанка. Пры ім «Ліда» доўгі час знаходзілася ў ніжняй палове, але паспяховы фініш дазволіў камандзе ўзняцца на шосты радок.
2017
правіцьСезон 2017 «Ліда» пачала пад кіраўніцтвам Пятра Качуры. Пасля неблагога пачатку каманда стала цярпець паражэнні, некаторы час «Ліда» займала апошні радок табліцы. Улетку замест Качуры новым трэнерам стаў Сяргей Саладоўнікаў. Лідскі клуб па выніках сезона заняў 14-е месца і захаваў месца ў Першай лізе.
2018
правіцьПерад пачаткам сезона 2018 «Ліда» істотна ўзмацніла склад, запрасіўшы шмат ігракоў з вопытам гульні ў Вышэйшай лізе. Каманда разглядалася як адзін з прэтэндэнтаў на барацьбу з выхад у Вышэйшую лігу. Аднак, з самага пачатку турніру «Ліда» стала саступаць асноўным канкурэнтам і хутка перастала навязваць барацьбу першым тром камандам. Далей сезон прайшоў даволі паспяхова, каманда ўпэўнена замацавалася на чацвёртым радку і ў канцы амаль дагнала «Белшыну», але ўсё ж фінішавала на чацвёртым месцы.
2019
правіцьУ пачатку 2019 года «Ліду» пакінула большая частка ігракоў, каманду замест Сяргея Саладоўнікава зноў узначаліў Вячаслаў Герашчанка. Склад быў сабраны ў асноўным з маладых ігракоў, а таксама выхаванцаў лідскага футбола. Каманда не разглядалася як прэтэндэнт на высокія месцы, аднак здолела добра пачаць сезон, доўгі час ішла ўверсе табліцы. У ліпені 2019 года Герашчанка стаў галоўным трэнерам літоўскай «Палангі», кіраваць «Лідай» застаўся яго памочнік Юрый Каратай. У другой палове сезона «Ліда» паказвала горшыя вынікі і фінішавала ў чэмпіянаце сёмай.
2020-я
правіцьУ сезоне 2020 у каманды значна абнавіўся склад, былі запрошаны ў асноўным маладыя ігракі, а таксама расійскія выканаўцы. Трэнерам быў зацверджаны Юрый Каратай. Каманда пачала турнір са штрафам у тры ачкі за ўдзел у дагаварных матчах у сезонах 2017—2018. На працягу сезона «Ліда» заставалася ў сярэдзіне табліцы, паказваючы нестабільныыя вынікі: перамогу над камандамі верхняй паловы чаргаваліся з паражэннямі і нічыямі з аўтсайдарамі. У кастрычніку ад трэнерскай пасады быў адхілены Юрый Каратай, яго абавязкі стаў выконваць Сяргей Петрушэўскі. Каманда зноў скончыла сезон на сёмым месцы.
У сезоне 2021 камандай працягваў кіраваць Сяргей Петрушэўскі. Клуб страціў асноўных ігракоў, якіх зноў замянілі маладыя, пераважна гродзенскія футбалісты. Сезон пачаўся для каманды няблага, але пазней клуб трапіў у ніжнюю частку табліцы. Гэта праходзіла адначасова з пагаршэннем фінансавага становішча, з-за чаго ўлетку каманду пакінула некалькі вопытных ігракоў, а пазней, у кастрычніку, з-за нявыплаты заробку былому трэнеру клуба Паўлу Лісоўскаму на «Ліду» была накладзена забарона на трансферы[1]. Апошняя трэць турніру была правалена, каманда цярпела паражэнні за паражэннямі і скончыла сезон на 11-м месцы з 12.
Сезон 2022 пачала пад кіраўніцтвам новага трэнера Віталя Рашкевіча. Каманда апынулася ўнізе табліцы, хоць часам адбірала ачкі ў фаварытаў. У ліпені Рашкевіч быў звольнены, выканаўцам абавязкаў галоўнага трэнера стаў яго памочнік Аляксей Дабравольскі. Чэмпіянат лідская каманда скончыла на 10-м месцы з 13. У сезоне 2023 «Ліда» знаходзілася пераважна ў сярэдзіне табліцы і фінішавала дзясятай з 17 каманд.
Папярэднія назвы
правіць- 1962—1963: «Чырвоны сцяг»
- 1963—1971: «Вымпел»
- 1971—1996: «Абутнік»
- з 1997: «Ліда»
Дасягненні
правіцьБССР
правіць
Чэмпіён БССР (4): 1983, 1985, 1986, 1989
Бронзавы чэмпіянату БССР (2): 1987, 1988- Фіналіст Кубка БССР (2): 1972, 1982
Рэспубліка Беларусь
правіць- Пераможца Першай лігі чэмпіянату Беларусі (2): 1993/1994, 1998
- Пераможца Другой лігі чэмпіянату Беларусі: 2011
- Найлепшае дасягненне ў Вышэйшай лізе чэмпіянату Беларусі — 8 месца: 1994/1995
- Чвэрцьфіналіст Кубка Беларусі (2): 2000, 2012
Цяперашні склад
правіцьСтанам на верасень 2024 года[2].
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб
правіць
Аляксей Дабравольскі (нар. 1985) — галоўны трэнер- Сяргей Салыга (нар. 1973) — трэнер
Статыстыка выступленняў
правіцьЧэмпіянат і Кубак Беларусі
правіць| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Першая (Д1) | 12 | 15 | 4 | 3 | 8 | 13–18 | 11 | 1/8 фіналу | |
| 1992/93 | Першая (Д1) | 16 | 32 | 4 | 9 | 19 | 13–45 | 17 | 1/16 фіналу |  Вылет у Другую лігу
|
| 1993/94 | Другая (Д2) | 1 | 28 | 20 | 6 | 2 | 49–14 | 46 | 1/16 фіналу |  Выхад у Першую лігу
|
| 1994/95 | Першая (Д1) | 8 | 30 | 10 | 10 | 10 | 32–36 | 30 | 1/8 фіналу | |
| 1995 | Першая (Д1) | 12 | 15 | 4 | 4 | 7 | 15–23 | 16 | 1/16 фіналу | |
| 1996 | Першая (Д1) | 15 | 30 | 6 | 6 | 18 | 26–43 | 24 | 1/16 фіналу | Вылет у Другую лігу
|
| 1997 | Другая (Д2) | 3 | 30 | 20 | 5 | 5 | 59–24 | 65 | 1/8 фіналу | Змена назваў ліг |
| 1998 | Першая (Д2) | 1 | 30 | 23 | 5 | 2 | 65–19 | 74 | 1/16 фіналу | Выхад у Вышэйшую лігу
|
| 1999 | Вышэйшая (Д1) | 13 | 30 | 7 | 4 | 19 | 27–64 | 25 | Чвэрцьфінал | |
| 2000 | Вышэйшая (Д1) | 14 | 30 | 3 | 10 | 17 | 16–60 | 19 | 1/16 фіналу | Вылет у Першую лігу
|
| 2001 | Першая (Д2) | 9 | 28 | 9 | 7 | 12 | 27–33 | 34 | 1/32 фіналу | |
| 2002 | Першая (Д2) | 6 | 30 | 14 | 4 | 12 | 39–39 | 46 | 1/32 фіналу | |
| 2003 | Першая (Д2) | 8 | 30 | 13 | 4 | 13 | 45–35 | 43 | ||
| 2004 | Першая (Д2) | 8 | 30 | 11 | 7 | 12 | 37–30 | 40 | 1/8 фіналу | |
| 2005 | Першая (Д2) | 10 | 30 | 10 | 7 | 13 | 41–43 | 37 | 1/16 фіналу | |
| 2006 | Першая (Д2) | 13 | 26 | 6 | 5 | 15 | 23–45 | 23 | 1/16 фіналу | Вылет у Другую лігу
|
| 2007 | Другая (Д3) | 2 | 30 | 20 | 5 | 5 | 78–34 | 65 | 1/16 фіналу | Выхад у Першую лігу
|
| 2008 | Першая (Д2) | 11 | 26 | 6 | 7 | 13 | 24–45 | 25 | 1/16 фіналу | |
| 2009 | Першая (Д2) | 11 | 26 | 6 | 8 | 12 | 19–31 | 26 | 1/32 фіналу | |
| 2010 | Першая (Д2) | 16 | 30 | 4 | 7 | 19 | 23–59 | 19 | 1/16 фіналу | Вылет у Другую лігу
|
| 2011 | Другая (Д3) | 1 | 30 | 23 | 4 | 3 | 60–21 | 73 | Чвэрцьфінал | Выхад у Першую лігу
|
| 2012 | Першая (Д2) | 11 | 28 | 8 | 6 | 14 | 32–49 | 30 | 1/16 фіналу | |
| 2013 | Першая (Д2) | 4 | 30 | 15 | 7 | 8 | 53–38 | 52 | 1/16 фіналу | |
| 2014 | Першая (Д2) | 14 | 30 | 10 | 1 | 19 | 46–64 | 31 | 1/16 фіналу | |
| 2015 | Першая (Д2) | 6 | 30 | 15 | 5 | 10 | 60–53 | 50 | 1/16 фіналу | |
| 2016 | Першая (Д2) | 6 | 26 | 11 | 5 | 10 | 26–33 | 38 | 1/16 фіналу | |
| 2017 | Першая (Д2) | 14 | 30 | 6 | 10 | 14 | 28–39 | 28 | 1/32 фіналу | |
| 2018 | Першая (Д2) | 4 | 28 | 18 | 4 | 6 | 45–18 | 58 | 1/16 фіналу | |
| 2019 | Першая (Д2) | 7 | 28 | 12 | 8 | 8 | 49–32 | 44 | 1/16 фіналу | |
| 2020 | Першая (Д2) | 7 | 26 | 9 | 7 | 10 | 37–42 | 31[A] | 1/32 фіналу | |
| 2021 | Першая (Д2) | 11 | 33 | 4 | 9 | 20 | 33–75 | 21 | 1/16 фіналу | |
| 2022 | Першая (Д2) | 10 | 24 | 6 | 8 | 10 | 35–43 | 26 | 1/16 фіналу | |
| 2023 | Першая (Д2) | 10 | 32 | 12 | 5 | 15 | 44–48 | 41 | 1/16 фіналу |
- ↑ З каманды зняты 3 ачкі за ўдзел ігракоў клуба ў дагаварных матчах у сезонах 2017—2018.
Галоўныя трэнеры
правіць- Леанід Булей (1962—1971)
- Уладзімір Грышановіч (1972—1988)
- Іван Прохараў (1989—1993)
- Уладзімір Грышановіч (1993)
- Андрэй Пятроў (1994—1996)
- Генрых Раманоўскі (1996—1997)
- Іван Прохараў (1998—2000)
- Андрэй Пятроў (2000—2001)
- Віталь Рашкевіч (2001—2004)
- Аляксей Шубянок (2004—2005)
- Дзмітрый Макаранка (2005—2006)
- Ігар Фралоў (2007)
- Павел Бацюта / Сяргей Петрушэўскі (2008)
- Андрэй Пятроў (2009)
- Сяргей Петрушэўскі / Сяргей Салыга (2010)
- Ігар Фралоў (2011—2012)
- Андрэй Пятроў (2013—2014)
- Максім Лычоў (студзень — кастрычнік 2015)
- Дзмітрый Макаранка (в. а. у кастрычніку 2015 — студзені 2016)
- Віталь Тарашчык (студзень — чэрвень 2016)
- Юрый Каратай (в. а. у чэрвені — жніўні 2016)
- Вячаслаў Герашчанка (жнівень — снежань 2016)
- Пётр Качура (студзень — ліпень 2017)
- Сяргей Саладоўнікаў (ліпень 2017 — студзень 2019)
- Вячаслаў Герашчанка (студзень — ліпень 2019)
- Юрый Каратай (в. а. у ліпені 2019 — лютым 2020; люты — кастрычнік 2020)
- Сяргей Петрушэўскі (в. а. у кастрычніку — снежні 2020; студзень — снежань 2021)
- Віталь Рашкевіч (студзень — ліпень 2022)
- Аляксей Дабравольскі (в. а. у ліпені — снежні 2022; са студзеня 2023)
Крыніцы
правіць- ↑ Футбол. На "Лиду" наложен запрет на трансферы(недаступная спасылка). Архівавана з першакрыніцы 8 сакавіка 2023. Праверана 27 лістапада 2021.
- ↑ От "Энергетика-БГУ" и "Белшины" до дублей. Заявки команд первой лиги (сезон-2024) (руск.). football.by (5 красавіка 2024). Праверана 9 красавіка 2024.
Спасылкі
правіць- Афіцыйны сайт (руск.)
- Профіль на сайце globalsportsarchive.com (англ.)
- Профіль на сайце wildstat.ru (руск.)