Анатоль Фёдаравіч Яцкевіч

Анатоль Фёдаравіч Яцкевіч (21 верасня 1925, в. Вуглы, Лагойскі раён, Мінская вобласць — 2 красавіка 1993) — беларускі філосаф, сацыёлаг. Доктар філасофскіх навук (1973), прафесар (1974). Удзельнік Вялікай Айчыннай вайны.

Анатоль Фёдаравіч Яцкевіч
Дата нараджэння	21 верасня 1925(1925-09-21)
Месца нараджэння	Вуглы, Лагойскі раён, Менская акруга, БССР, СССР
Дата смерці	2 красавіка 1993(1993-04-02) (67 гадоў)
Грамадзянства	Беларусь
Дзеці	Сяргей Анатолевіч Яцкевіч
Месца працы	Баранавіцкі дзяржаўны настаўніцкі інстытут Брэсцкі дзяржаўны ўніверсітэт імя А. С. Пушкіна Брэсцкі політэхнічны інстытут
Навуковая ступень	доктар філасофскіх навук (1973)
Навуковае званне	прафесар (1974)
Альма-матар	гістарычны факультэт БДУ (1951)
Узнагароды

Біяграфія

Скончыў Беларускі дзяржаўны ўніверсітэт (гістарычны факультэт, 1951; аспірантура, 1956).

Працаваў у Стаўбцоўскім дзіцячым доме (1946, настаўнік), Баранавіцкім абласным камітэце ЛКСМБ (1946—1952, лектар, загадчык лектарскай групы), Баранавіцкім настаўніцкім інстытуце (1952—1955, выкладчык кафедры марксізму-ленінізму), Брэсцкім дзяржаўным педагагічным інстытуце (1955—1967, дацэнт кафедры марксізму-ленінізму, кафедры філасофіі і палітэканоміі, у 1963—1967 — прарэктар па вучэбнай і навуковай рабоце), Брэсцкім політэхнічным інстытуце (з 1967, прафесар кафедры «Марксісцка-ленінская філасофія», у 1969—1993 — загадчык кафедры).

Навуковыя інтарэсы: тэарэтыка-матадалагічныя праблемы філасофіі, сацыялогіі і культуры; сацыяльныя працэсы ў грамадствах пераходнага перыяду; нацыянальная самасвядомасць.

Сям’я

• сын Сяргей Анатолевіч Яцкевіч (нар. 1949), доктар філасофскіх навук.

Узнагароды

Медалі «Партызану Айчыннай вайны» 1-й ступені, «За перамогу над Германіяй у Вялікай Айчыннай вайне 1941—1945 гг.» і інш.

Бібліяграфія

• Механизм проявления общеэкономических законов в советском обществе (философско-социологическое исследование) : автореферат диссертации … доктора философских наук : 09.620 / А. Ф. Яцкевич. — Минск, 1972.

Літаратура

• Яцкевіч Анатоль Фёдаравіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 322. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Яцкевич Анатолий Федорович // Республика Беларусь : энциклопедия : [в 7 т.]. — Минск, 2008. — Т. 7. — С. 737—738.
• Яцкевич Анатолий Федорович // Минская область : энциклопедия : [в 2 т.]. — Минск, 2007. — Т. 2. — С. 759—760.
• Яцкевич Анатолий Федорович // Брэст = Брест = Brest : 1000 : энциклопедия. — Минск, 2019. — С. 361—362.
• Яцкевіч Анатоль Фёдаравіч // Выкладчыкі Брэсцкага дзяржаўнага ўніверсітэта: 1945—2001 : біябібліяграфічны даведнік. — Брэст, 2015. — С. 27—28.