Антоні Яўхім Аскерка

(Пасля перасылкі з Антоній Яўхім Аскерка)

Антоні Яўхім Аскерка (? — пасля 1792) — вялікалітоўскі дзяржаўны дзеяч. Харунжы пяцігорскі, староста багрымавіцкі (з 1760), пасол Чатырохгадовага Сойма.

Антоні Яўхім Аскерка
Antoni Askierka. Антоні Аскерка.jpg
POL COA Oskierka.svg
Герб «Мурдэліа»
Род Аскеркі
Бацька Рафал Алойзы Аскерка
Маці Анэля з Паўшаў[d]
Жонка Тэрэза Эперыяшы[d]
Дзеці Ева Марыяна з Аскеркаў[d]

БіяграфіяПравіць

Прадстаўнік шляхецкага роду Аскеркаў герба «Мурдэліа», сын Рафала Алойзы і Анэлі з Паўшаў. Меў брата Яна Мікалая, разам з якім навучаўся ў Варшаве.

У 1760 годзе атрымаў ад бацькі Багрымавіцкае староства ў Мазырскім павеце. У 1762 і 1790 гадах быў дэпутатам Літоўскага Трыбунала, абіраўся паслом на соймы 1776 і 1786 гадоў ад Мазырскага павета. У 1764 годзе як прыхільнік «фаміліі» падтрымліваў абранне каралём Станіслава Аўгуста Панятоўскага, у 1768 годзе стаў харунжым пяцігорскім.

У 1787 годзе ўдзельнічаў у канфлікце паміж Аскеркамі і Яленскімі за ўплыў у Мазырскім павеце. У 1790 годзе быў абраны паслом на другую кадэнцыю Чатырохгадовага сойма. Прыхільнік Канстытуцыі 3 мая. У канцы года напісаў ліст да караля, дзе інфармаваў яго, што з прычыны дрэннага здароўя мусіць з’ехаць дадому.

Сям’яПравіць

У шлюбе з Тэрэзай Еперыяшы меў сына.

Зноскі

ЛітаратураПравіць