Антон Антонавіч Згіроўскі

Антон Антонавіч Згіроўскі (6 лютага 1906, Мінск — 1937) — беларускі акцёр. Заслужаны артыст Беларусі (1935).

Антон Антонавіч Згіроўскі
Дата нараджэння:	6 лютага 1906(1906-02-06)
Месца нараджэння:	Мінск, Мінскі павет, Мінская губерня, Расійская імперыя
Дата смерці:	1937(1937)
Грамадзянства:	Беларусь
Прафесія:	акцёр
Тэатр:	Беларускі трэці дзяржаўны тэатр
Узнагароды:	Заслужаны артыст Беларусі

Біяграфія

У 1921 годзе паступіў у Трупу У.Галубка (пазней БДТ-3), напачатку быў дапаможным рабочым. У час вандраванняў тэатра ўдзельнічаў у канцэртах, спяваў у хоры. З 1926 года акцёр. Найбольш значныя ролі: памешчык («Пінская мадонна» У.Галубка), Вася Балабан («Гісторыя пяці хвастоў» Л.Левіна), Лундышаў «Гадзіншчык і курыца» І.Качаргі), Кадлуб-Дабравольскі («Сяржант Дроб» Э.Самуйлёнка), Юсаў («Даходнае месца» А.Астроўскага). Арыштаваны і расстраляны ў 1937 годзе. Рэабілітаваны ў 1957 годзе.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2