Антон Сцяпанавіч Карпешын

Антон Сцяпанавіч Карпешын
Антон Сцяпанавіч Карпешын
	6 снежня 1924 — 28 студзеня 1928
Папярэднік	Навум Нісяльсон
Пераемнік	Ілья Яршоў
	люты 1922 — сакавік 1924
Кіраўнік урада	Аляксандр Чарвякоў
Пераемнік	Аўгуст Калнін
Нараджэнне	17 студзеня 1893; Канстанцінаўск, Першая Данская акруга[d], Вобласць Войска Данскога, Расійская імперыя;
Смерць	1 красавіка 1938 (45 гадоў)
Партыя	Камуністычная партыя Савецкага Саюза;
Бітвы	Першая сусветная вайна; Грамадзянская вайна ў Расіі;

Анто́н Сця́панавіч Карпе́шын (17 студзеня 1893, станіца Канстанцінаўская^[2], Данская вобласць — 1 красавіка 1938) — дзяржаўны дзеяч БССР.

Біяграфія

З 1917 года член РКП(б).

Пасля Кастрычніцкай рэвалюцыі 1917 года на савецкай і гаспадарчай рабоце.

У 1920—1921 гадах старшыня Ігуменскага ВРК, затым старшыня павятовага выканкама. З лютага старшыня Лескомбела, а з красавіка 1921 года начальнік паліўнага ўпраўлення і член прэзідыума СНГ БССР. З лютага 1922 года быў прызначаны старшынёй СНГ БССР і членам ЦВК БССР. З сакавіка 1924 года старшыня трэста «Западлес». З 1 мая па 20 чэрвеня 1924 года старшыня Лесбела. 6 снежня 1924 года быў прызначаны кіраўніком Беларускай канторы Дзяржбанка СССР. Быў вызвалены ад абавязкаў кіраўніка Беларускай канторы Дзяржбанка СССР Пастановай СНК БССР ад 28 студзеня 1928 годзе за «бальшавіцкую няўстойлівасць, якія выявіліся ў нязгодзе з выключэннем з партыі лідараў апазіцыі». Свае ваганні памылкай не лічыў (пратакол № 10 пасяджэння прэзідыума ЦКК КП(б)Б).

У 1928—1930 гадах загадчык раённай групай і дырэктар крэдытнай групы праўлення Дзяржбанка СССР. У 1930—1931 гадах вучыўся на банкаўскіх курсах у Гандлёвай акадэміі СССР. З чэрвеня 1931 па май 1932 года кіраўнік Далёкаўсходняй краёвай канторы Дзяржбанка СССР.

З ліпеня 1932 года намеснік начальніка цэнтральнага аддзела лясной гаспадаркі наркамата шляхоў зносін СССР. У верасні 1933 года прызначаны кіраўніком трэсту «Горьковтранлес» НКПЗ СССР.

26 верасня 1937 года быў арыштаваны органамі НКУС СССР. Расстраляны 1 красавіка 1938 года. Рэабілітаваны пасмяротна ў студзені 1958 года.

Працы

Итоги работы банковских учреждений Белоруссии за 1924—1925 гг. // Советское строительство, 1926, № 4. — С. 126—137;
Стэнаграфiчная справаздача па этапу бюджэтнай камiсii ЦВК БССР. Мн., 1928.

Зноскі

Літаратура

Бусько В., Якимченко С. В начале перестройки//Белорусский банковский бюллетень. 2001, № 40. — С.51-54.

Спасылкі

[https://web.archive.org/web/20190712065157/http://elib.bsu.by/bitstream/123456789/57163/1/51203.pdf Архівавана 12 ліпеня 2019. М. М. Ковалев, В. Д. Селемнев ИСТОРИЯ БЕЛОРУССКОГО ЦЕНТРОБАНКА В БИОГРАФИЯХ ЕГО РУКОВОДИТЕЛЕЙ]

[_3c38c78d65b22ac2-1] ttps://ru.openlist.wiki/%D0%9A%D0%B0%D1%80%D0%BF%D0%B5%D1%88%D0%B8%D0%BD_%D0%90%D0%BD%D1%82%D0%BE%D0%BD_%D0%A1%D1%82%D0%B5%D0%BF%D0%B0%D0%BD%D0%BE%D0%B2%D0%B8%D1%87_(1893)

[2] Карпешин Антон Степанович (1893)

[2]

[1]