Арнэта

Арнэта (польск.: Orneta, ням.: Wormditt) — горад у Польшчы, уваходзіць у склад Лідзбаркскага павета Вармінска-Мазурскага ваяводства ў рэгіёне Вармія. Сядзіба вяскова-гарадской гміны Арнэта. Насельніцтва — каля 9 тыс. жыхароў.

Горад Арнэта польск.: Orneta Герб Сцяг Краіна Польшча Ваяводства Вармінска-Мазурскае Павет Лідзбаркскі Гміна Арнэта Каардынаты 54°06′56″ пн. ш. 20°07′48″ у. д. Бурмістр Ірэневуш Попель Плошча 9,63 км² Насельніцтва 8 924 чалавек (2018) Шчыльнасць 926,7 чал./км² Часавы пояс UTC+1, летам UTC+2 Тэлефонны код +48 55 Паштовы індэкс 11-130 TERC 2809054 Афіцыйны сайт orneta.pl SIMC 0932910 Арнэта на карце Польшчы ±

Медыяфайлы на Вікісховішчы

Гісторыя

Першая згадка пра паселішча Арнэту — 12 жніўня 1308 года. У 1251 годзе мясцовасць была захоплена тэўтонцамі і перададзена вармінскім біскупам. 26 сакавіка 1313 годзе Арнэта атрымала пацверджанне гарадскіх правоў. У 1340 годзе горад на 9 гадоў (да 1349 года) стаў рэзідэнцыяй вармінскіх біскупаў. У гэтым жа годзе былі пабудаваныя абарончыя сцены і быў пашыраны замак. 6 сакавіка 1454 года кароль Казімір IV Ягелончык абвясціў аб уключэнні рэгіёна ў Каралеўства Польскае. У 1772 годзе пасля першага падзелу Рэчы Паспалітай Арнэта пераходзіць да Прусіі. 17 сакавіка 1945 года горад займаюць войскі II і III Беларускага фронту савецкай арміі. 23 ліпеня 1945 года адбылася перадача горада польскай адміністрацыі. 7 мая 1946 года зацверджана цяперашняя назва горада.

Спасылкі

• Афіцыйная старонка горада