Багамолы

	Багамолы
	; Багамол Rhombodera basalis
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Neoptera
Надатрад:	Polyneoptera
Атрад:	Тараканападобныя
Падатрад:	Багамолы
Міжнародная навуковая назва
	Mantodea Burmeister, 1838
Сінонімы
	Mantoptera
Даччыныя таксоны
	Сямействы Acanthopidae; Amorphoscelidae; Chaeteessidae; Empusidae; Eremiaphilidae; Hymenopodidae; Iridopterygidae; Liturgusidae; Mantidae; Mantoididae; Metallyticidae; Sibyllidae; Tarachodidae; Thespidae; Toxoderidae;
ITIS	666589
NCBI	7504
EOL	416
FW	180000; 180110

Багамолы, таксама Багамолавыя (Mantodea, Mantoptera) — падатрад насякомых атрада тараканападобных. Некаторыя энтамолагі вылучаюць багамолаў у самастойны атрад.

АпісаннеПравіць

Даўжыня да 11 см. Цела падоўжанае, галава рухомая трохвугольная, ногі добра развітыя, на пярэдняй пары шыпы, якія ўтвараюць пры складванні моцны хапальны апарат. Ротавыя органы грызучыя. Пярэднія крылы вузкія, заднія складаюцца веерападобна (ёсць бяскрылыя).

ПашырэннеПравіць

Вядома больш за 2800 відаў (2853 віды па стане на люты 2008), вялікая частка якіх уваходзіць у сямейства Mantidae. Пашыраны ў тропіках і субтропіках абодвух паўшар’яў. Найчасцей трапляецца багамол звычайны (Mantis religiosa).

Асаблівасці біялогііПравіць

Яйцы адкладваюць на расліны, камяні; звычайна зімуюць.

Багамол са здабычай, Японія

Драпежнікі, сядзяць у малітоўнай позе (адсюль назва), кормяцца насякомымі, некаторыя трапічныя віды нападаюць на дробных яшчарак, птушак.

ЛітаратураПравіць

Багамолы // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с.: іл. ISBN 985-11-0061-7 (т. 2), ISBN 985-11-0035-8