Вікіпедыя

Баляслаў Віславух

Баляслаў Віславух (польск.: Bolesław Wysłouch; 22 кастрычніка 1855, с. Саха, Кобрынскі павет, Расійская імперыя, цяпер Залужжа, Драгічынскі раён, Брэсцкая вобласць, Беларусь — 13 верасня 1937, Львоў, Львоўскае ваяводства, Польская Рэспубліка) — польскі грамадскі і палітычны дзеяч, публіцыст, выдавец, суарганізатар народнага руху Галічыны, сенатар 1-га склікання ў Польскай Рэспубліцы, сацыяліст, масон у Львове ў час Аўстрыйскай Польшчы.

Баляслаў Віславух
польск.: Bolesław Wysłouch
Дата нараджэння 1855[1][2][…] ці 22 лістапада 1855(1855-11-22)
Месца нараджэння
Дата смерці 13 верасня 1937(1937-09-13)[3]
Месца смерці
Пахаванне
Грамадзянства
Адукацыя
Партыя
Род дзейнасці палітык
Жонка Марыя Віславух
Лагатып Вікісховішча Медыяфайлы на Вікісховішчы

Біяграфія правіць

Родам са шляхетнай сям’і Віславухаў з Палесся. Сваяк Севярына Віславуха. Скончыў Тэхналагічны інстытут у Санкт-Пецярбургу, атрымаў дыплом інжынера-хіміка. Быў сябрам студэнцкіх гурткоў, з 1881 года быў звязаны з «Сацыялістычнай асацыяцыяй Польскага Народа» Баляслава Ліманоўскага. Быў пасаджаны на тры гады (1881—1884) у Варшаўскую цытадэль, пасля свайго вызвалення жыў у Львове.

Быў выдаўцом і рэдактарам шэрагу часопісаў: «Przegląd Społeczny», «Kurier Lwowski» (галоўны рэдактар у 1887—1919 гадах), «Przyjaciel Ludu» (1889—1902). У 1886 годзе ён распрацаваў праграму для Польскай сялянскай партыі.

У 1894 годзе ён быў ініцыятарам стварэння Польскай дэмакратычнай грамады, а ў 1895 годзе Народнай партыі ў Галічыне, у якой ён быў сябрам Вярхоўнай Рады (з 1903 года партыя дзейнічала пад назвай «Польская народная партыя»). У 1912—1913 гадах — прэзідэнт партыі «Аб’яднанне незалежных людзей» (польск.: Polskie Stronnictwo Ludowe – Zjednoczenie Niezawisłych Ludowców), у 1913—1923 гадах — сябра ПСЛ «Пяст» (польск.: Polskie Stronnictwo Ludowe „Piast”), у перыяд 1923—1925 гадоў — сябра ПСЛ «Вызваленне» (польск.: Polskie Stronnictwo Ludowe „Wyzwolenie”), у 1925 годзе — сябра Працоўнага клубу (польск.: Partia Pracy). У 1922—1927 гадах быў сенатарам у Польшчы. У 1928 годзе перастаў займацца палітычнай дзейнасцю.

Асабістае жыццё правіць

Першая жонка — Марыя, сацыяльны актывіст, арганізатар народнага руху ў Галічыне. Пасля яе смерці ажаніўся з Браніславай — інспектарам Службы дапамогі жанчынам.

Зноскі

  1. ↑ Bolesław Wysłouch // Faceted Application of Subject Terminology Праверана 9 кастрычніка 2017.
  2. ↑ Bolesław Wysłouch // NUKAT — 2002.
  3. ↑ Find a Grave — 1996. Праверана 29 жніўня 2019.

Літаратура правіць

  • Шкраб’юк П. В. ВИСЛОУХ Болеслав // Енциклопедія історії України : у 10 т. : [укр.] / редкол.: В. А. Смолій (голова) та ін. ; Інститут історії України НАН України. — К. : Наукова думка, 2003. — Т. 1 : А — В. — 688 с. : іл. — ISBN 966-00-0734-5.
  • І. З. Павлюк. ВИСЛО́УХ Болеслав // Енциклопедія сучасної України : [укр.] : у 30 т. / НАН України, Наукове товариство ім. Шевченка, Інститут енциклопедичних досліджень НАН України[uk]. — К., 2001—…. — ISBN 944-02-3354-X.
  • Ля період модернізації виступив за залучення сялян да чыннаї участі у політичному житті
  • Słownik pracowników książki polskiej. Warszawa, 1972.
  • Brock, Boleslaw Wyslouch: Founder of the Polish Peasant Party. Slavonic and East European Review, xxx (74), 1951.
  • Mazurek, Kraj a emigracja. Instytut Studiów Iberyjskich i Iberoamerykańskich, Warsaw, 2006.
  • Kudłaszyk, Wysłouch, Myśl społeczno-polityczna Bolesława Wysłoucha: 1855—1937. Wrocław, 1978.
  • Dwór Socha, Wysłouchowie
  • J. Kulczycka-Saloni, I. Maciejewska, A. Z. Makowiecki, R. Taborski. Mіoda Polska. Warszawa, 1992.
Узята з "https://be.wikipedia.org/w/index.php?title=Баляслаў_Віславух&oldid=4627306"