Бан-Жвірба
«Бан-Жвірба» — беларускі музычны гурт з Гомелю, заснаваны ў 1999 годзе на базе гурта The Dazers.
| Бан-Жвірба | |
|---|---|
 Выступ гурта на Басовішчы-2009 | |
| Асноўная інфармацыя | |
| Жанры | folk / rock |
| Гады | 1999 — па сённяшні дзень |
| Краіна |
 Беларусь |
| Горад | Гомель |
| Мова песень | беларуская |
| Склад | Міця Гаўрылін, Руслан Таргонскі, Уладзімір Перагудаў, Дзмітрый Вінаградаў, Наталля Дуброва |
| Былыя ўдзельнікі |
Дзмітрый Лазарэнка Юлія Петрушкевіч Крысціна Прыходзька-Перагудаў |
| Іншыя праекты |
Mojo Blues |
 Медыяфайлы на Вікісховішчы |
|
ГісторыяПравіць
Гурт сварылі ў 1999 годзе ўдзельнікі гурта The Dazers: Міця Гаўрылін, Руслан Таргонскі, Уладзімір Перагудаў, Крысціна Прыходзька-Перагудаў і Дзмітрый Лазарэнка. Найперш канцэртавалі ў сваім горадзе. Дэбютавалі 2 верасня 1999 года на разагрэве ў N.R.M.[1]. У 2000 годзе выпусцілі свой першы альбом, аднайменны з назвай гурта. Сталі вядомымі дзякуючы песні «Канапелька». У лістападзе 2000 года гурт браў удзел у першым беларускім свяце фолку «Таўкачыкі» ў Мінску[2]. У 2001 годзе канцэртавалі супольна з гуртам Крама. Пасля сканчэння канцэртаў у гэтым жа годзе з гурта сыйшоў Дзмітрый Лазарэнка, якога змяніў Дзмітрый Вінаградаў з Homo Erectus. У 2005 годзе гурт выпусціў другі альбом — Палын-трава. У 2007 годзе выпусцілі трэці альбом Забабоны [3]. Юбілейны альбом Дагары нагамі атрымаў у 2010 годзе гран-пры на фэсце Рок за Бобров[4].
З 2000 года ўдзельнічалі ў фэстывалі Басовішча. У 2001 годзе былі на гэтай імпрэзе ўзнагароджаныя прэміяй Беларускага Аб’яднання Студэнтаў у Польшчы [5]. Выступалі таксама на шматлікіх іншых фестывалях Беларусі, Польшчы, Украіны і Расіі.
У 2013 годзе гурт змяніў вакалістку і абвясціў аб падрыхтоўцы да запісу новага альбома.[6]
ДыскаграфіяПравіць
АльбомыПравіць
- Бан-Жвірба (2000)
- Палын-трава (2005)
- Забабоны (2007)
- Дагары нагамі (2010)
Удзел у зборнікахПравіць
- Budzma The Best Rock / Budzma The Best Rock/New (2009), трэк «Małpy»
Зноскі
- ↑ Афіцыйная старонка / История одной группы(недаступная спасылка). Архівавана з першакрыніцы 22 снежня 2007. Праверана 21 лютага 2017. (руск.)
- ↑ Алег Улевіч. Таўкачыкі. Дзень другі(недаступная спасылка). Tut.by (19 лістапада 2000). Архівавана з першакрыніцы 5 сакавіка 2016. Праверана 21 кастрычніка 2017.
- ↑ БАН-ЖВІРБА / www.euroradio.fm(недаступная спасылка). Архівавана з першакрыніцы 9 жніўня 2008. Праверана 21 лютага 2017. (руск.)
- ↑ "Рок за «Бобров» — репортаж / logoysk.by (руск.)
- ↑ BASOWISZCZA 20-21.07.2001 www.bialorus.pl(недаступная спасылка). Архівавана з першакрыніцы 18 снежня 2007. Праверана 21 лютага 2017. (польск.)
- ↑ “Бан-Жвірба” рыхтуюць альбом з новай вакалісткай
ЛітаратураПравіць
- Д.П. «БАН-ЖВІРБА» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 33–34. — 368 с. — 2 000 экз. — ISBN 978-985-6783-42-8.