Барак Абама
Барак Хусейн Абама II (англ.: Barack Hussein Obama II [bəˈrɑːk hʊˈseɪn oʊˈbɑːmə]; 4 жніўня 1961 у Ганалулу, Гаваі) — амерыканскі палітык, 44-ы Прэзідэнт ЗША (з 20 студзеня 2009 года). Першы цемнаскуры прэзідэнт у гісторыі Злучаных Штатаў. Лаўрэат Нобелеўскай прэміі міру 2009 года.
| Барак Абама Barack Obama | |||
 | |||
| |||
|---|---|---|---|
| 20 студзеня 2009 — 20 студзеня 2017 | |||
| Віцэ-прэзідэнт | Джозеф Рабінет Байдэн | ||
| Папярэднік | Джордж Уокер Буш | ||
| Пераемнік | Дональд Трамп | ||
| |||
| 3 студзеня 2005 — 16 лістапада 2008 | |||
| Папярэднік | Пітэр Фіцджэральд | ||
| Пераемнік | Роланд Бёрыс | ||
| |||
| 8 студзеня 1997 — 4 лістапада 2004 | |||
| Партыя | Дэмакратычная партыя ЗША | ||
| Адукацыя | 1) Калумбійскі ўніверсітэт 2) Гарвардскі ўніверсітэт | ||
| Навуковая ступень | бакалаўр мастацтваў[d] | ||
| Прафесія | Адвакат | ||
| Дзейнасць | палітык, дзяржаўны дзеяч | ||
| Месца працы | |||
| Член у | |||
| Веравызнанне | Пратэстанцтва | ||
| Нараджэнне | 4 жніўня 1961 (58 гадоў) Ганалулу, Гаваі, ЗША | ||
| Дынастыя | сям'я Барака Абамы[d] | ||
| Бацька | Барак Хусейн Абама[d] | ||
| Маці | Эн Данхэм | ||
| Жонка | Мішэль Абама | ||
| Дзеці | Малія Абама[d] і Наташа Абама[d] | ||
| Сайт | barackobama.com | ||
| Аўтограф | 
| ||
| Узнагароды |
| ||
Сенатар-дэмакрат ад штату Ілінойс. З 27 жніўня 2008 афіцыйны кандыдат у Прэзідэнты ЗША ад Дэмакратычнай партыі. Па выніках прэзідэнцкіх выбараў 4 лістапада 2008 (дзе яго асноўным супернікам быў Джон Сідні Макейн) Барак Хусейн Абама абраны 44-м Прэзідэнтам ЗША. 20 студзеня 2009 ўступіў на пасаду Прэзідэнта.
Прыняў шэраг законаў для стымулявання эканомікі ва ўмовах эканамічнага крызісу, у тым ліку закон аб амерыканскім уздыме і рэінвеставанні 2009 года (англ.: American Recovery and Reinvestment Act of 2009) і закон аб падатковых льготах, падаўжэнні тэрміна страхавання па беспрацоўі і стварэнні працоўных месцаў 2010 года (англ.: Tax Relief, Unemployment Insurance Reauthorization, and Job Creation Act of 2010). За намаганні ў сферы міжнароднай дыпламатыі атрымаў Нобелеўскую прэмію міру 2009 года. Вясной 2010 года рэалізаваў маштабную рэформу аховы здароўя, у выніку якой істотна павялічыўся доступ амерыканцаў да медыцынскага страхавання. Выступаў за «спыненне дыскрымінацыі» ў дачыненні да супольнасці ЛГБТ, а яго адміністрацыя заклікала Вярхоўны суд прызнаць закон аб абароне шлюбу (англ.: Defense of Marriage Act, DOMA) і Каліфарнійскую прапанову 8 (англ.: Proposition 8) незаконнымі. Павялічыў кантроль над агнястрэльнай зброяй у сувязі са стральбой у пачатковай школе «Сэндзі-Хук» (англ.: Sandy Hook). Пры Абаме адбылася ваенная інтэрвенцыя НАТА ў Лівіі, а таксама аперацыя, у выніку якой быў забіты Усама бін Ладэн. У 2011 годзе вывеў амерыканскія войскі з Іраку.
На прэзідэнцкіх выбарах 2012 года Абама апярэдзіў кандыдата ад Рэспубліканскай партыі Міта Ромні, набраўшы 332 галасы ў калегіі выбаршчыкаў (51,1% галасоў выбаршчыкаў) супраць 206 у Ромні.
У сувязі з актывізацыяй тэрарыстаў Ісламскай Дзяржавы пачаў новую ваенную кампанію ў 2014 годзе. Працягнуў працэс спынення баявых дзеянняў у Афганістане, істотна палепшыў палітычныя адносіны з Кубай, а таксама імкнуўся знайсці баланс у ядзерных перамовах з Іранам.
Жонка — Мішэль Абама.
Зноскі
- ↑ https://news.harvard.edu/gazette/story/2008/11/obama-joins-list-of-seven-presidents-with-harvard-degrees/
- ↑ 2,0 2,1 http://www.newsday.com/news/new-york/obama-stood-out-even-during-brief-1985-nypirg-job-1.885513
- ↑ 3,0 3,1 https://web.archive.org/web/20110708222043/http://www.dailyprincetonian.com/2005/12/07/14049/
