Блізная

Блізная
Краіна	Беларусь
Вобласць	Брэсцкая
Раён	Пружанскі
Сельсавет	Ружанскі
Каардынаты	52°56′23″ пн. ш. 24°56′43″ у. д.HGЯO
Стараста	Антаніна Васілеўна Жарнасек
Першая згадка	1516
Насельніцтва	▼67 чал. (2019);
Часавы пояс	UTC+3
Тэлефонны код	+375 1632
Паштовы індэкс	225154
Аўтамабільны код	1
СААТА	1256856007
	Блізная на Вікісховішчы

Блізна́я^[1] (трансліт.: Bliznaja, руск.: Близная) — вёска ў Пружанскім раёне Брэсцкай вобласці. Уваходзіць у склад Ружанскага сельсавета.

Па адной версіі, назва паходзіць ад ракі Блізёнкі каля вёскі, па другой — ад двух ручаёў па баках вёскі, такім чынам яна размешчана блізка да іх.

Гісторыя

Сяло Блізная «…з людзьмі даннымі і цяглымі, і з землямі тых людзей ворнымі і бортнымі, і з лугамі…» было нададзена Богушу Багавіцінавічу, прывілеем ад 1516 года кароль Жыгімонт Стары пацвердзіў свайму маршалку і пісару ўласнасць «на вечнасць».

План дома аканома на «двары» ў Блізнай, паводле інвентара 1604 года, рэканструкцыя Юрыя Якімовіча.

Паводле інвентара 1604 года, у Блізнай быў фальварак, які складаўся з «двара» і гумнішча. На «двары» стаяў дом аканома, будавалася вялікая грыдня для чэлядзі, таксама былі грыдня пастуха, піўніца з дрэва, два свірны для захоўвання збожжа, стайня і абора. Дом аканома — ускладнены варыянт трохкамернага жытла, справа ад пярэдняга пакою вялікая святліца з 5 вокнамі, кафлянай печчу і камінам, злева — малая святліца з 2 вокнамі «палатнянымі блонамі» і жылая камора. Дом крыты драніцамі (гонтай), астатнія пабудовы — саломай. На гумнішчы, агароджаным дылямі, была стадола для абмалоту снапоў і адрына для захоўвання сена і саломы, абедзве пакрытыя саломай. Пры фальварку было 5 ставоў з мукамольнымі млынамі, адзін млын з двума працоўнымі коламі, астатнія — з адным.^[2]

У 1687 годзе Блізная — адзін з фальваркаў маёнтка Ружаны, уласнасць Сапегаў.

У 1890 годзе маёнтак Блізна з фальваркам Белае Поле, агулам 3602 дзесяціны зямлі, уласнасць Леана Мілашэўскага. Мілашэўскімі ў Блізнай створаны сядзібна-паркавы комплекс, які да цяперашняга часу захаваўся часткова.

Да 21 студзеня 1961 года вёска ўваходзіла ў склад Славаціцкага сельсавета^[3], да 12 ліпеня 1963 года — у склад Ружанскага сельсавета^[4], да 16 красавіка 1973 года — у склад Вольскага сельсавета, пасля — у складзе Ружанскага сельсавета.

Мікратапанімія

Від з Рынкавай плошчы Ружан у бок вуліцы Блізнай.

Ружанская — ранейшая вуліца, цяпер участак дарогі за межамі вёскі, у кірунку Ружан. Афіцыйна, станам на 2022 год, вуліцы няма, дамы абапал дарогі знесены і пахаваны ў 2020—2022 гадах. У Ружанах дарога працягвалася як вуліца Блізная і вяла да Рынкавай плошчы.
Блізёнка — ручай на паўночна-ўсходнім ускрайку вёскі, пачынаецца з крыніцы Дубіна, цячэ праз тарфянішча, затым да ручая прыцякае крыніца асвечаная святарамі Свята-Аляксандра-Неўскай царквы і ўпарадкаваная мясцовымі жыхарамі, паблізу невялікая штучная студня, куды раней ставілі збаны з малаком для даўжэйшага захоўвання. Далей Блізёнка ўпадае ў выкапанае Новае возера, з яго ў сетку меліярацыйных каналаў і потым у Зэльвянку. Крынічная вада ў ручаі цёплая, ён не замярзае, раней мясцовыя жыхары карысталіся гэтым для паласкання бялізны.
Вомх — ручай на паўднёва-заходнім ускрайку вёскі, пачынаецца з крыніцы, цячэ праз Брадок і Старое возера (Стас’е возера), упадае ў сетку меліярацыйных каналаў і потым у Зэльвянку. Як і Блізёнка ручай не замярзае.

Вядомыя асобы

Яўген Васілевіч Малашэвіч — навуковец-біёлаг, журналіст, кнігавыдавец, аўтар-складальнік шэрагу энцыклапедычных і даведачных выданняў, заслужаны работнік культуры Беларусі.^[5]
Міхаіл Рубец^[be-tarask] — Заслужаны работнік транспарту Украіны, прафесар, кандыдат тэхнічных навук, акадэмік.
Аляксандр Віктаравіч Булыга — пяціразовы пераможца конкурсу «Найлепшы зваршчык Беларусі», тройчы найлепшы зваршчык ААТ «Газпрам трансгаз Беларусь»^[6]. Пераможца 7-га рэспубліканскага конкурсу зваршчыкаў у намінацыі «В» — Ручная дугавая зварка^[7]. 2-е месца ў намінацыі Газавая зварка (311/OFW) на 10-м Міжнародным конкурсе зваршчыкаў «Залаты кубак Бенардоса» ў 2013 годзе^[8].

Славутасці

Свята-Аляксандра-Неўская царква (1888, мураваная) Гісторыка-культурная каштоўнасць Беларусі, шыфр 113Г000598шыфр 113Г000598
Шэраговая забудова
Рэшткі сядзібна-паркавага комплексу Мілашэўскіх
- Парк
- Стайня^[9]
- Вежа-вяндлярня
- Цагельня

Заўвагі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Якимович Ю. А. Зодчество Белоруссии XVI — середины XVII в. : справ. пособие / . — Минск : Навука і тэхніка, 1991. — 367 с.^{[удакладніць: камент.]}
↑ Рашэнне выканкома Брэсцкага абласнога Савета дэпутатаў працоўных ад 21 студзеня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 18 (938).
↑ Рашэнне выканкома Брэсцкага абласнога (сельскага) Савета дэпутатаў працоўных ад 12 ліпеня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 34 (1034).
↑ 2 студзеня 2014 г. — 70 гадоў з дня нараджэння (1944) Яўгена Васільевіча Малашэвіча, вучонага-біёлага, журналіста, кнігавыдаўца, аўтара-складальніка шэрагу энцыклапедычных і даведачных выданняў, заслужанага работніка культуры Беларусі
↑ http://www.gtb.by/d/journal/01/1/finalnyj.pdf
↑ https://rep.bntu.by/bitstream/handle/data/2894/%D1%81.%2073-80.pdf
↑ https://www.informdom.com/metalloobrabotka/2013/6/10-i-mezhdunarodnyi-konkurs-svarschikov-zolotoi-kubok-benardosa.html
↑ Усадьба Милашевских: конюшня

Літаратура

Федорук А. Т. Садово-парковое искусство Белоруссии. — Минск: Ураджай, 1989. — 247 с. — 10 300 экз. — ISBN 5-7860-0086-9.

Спасылкі

На Вікісховішчы ёсць медыяфайлы па тэме Блізная
Блізная на сайце Глобус Беларусі (руск.)

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[2] Якимович Ю. А. Зодчество Белоруссии XVI — середины XVII в. : справ. пособие / . — Минск : Навука і тэхніка, 1991. — 367 с.^{[удакладніць: камент.]}

[3] Рашэнне выканкома Брэсцкага абласнога Савета дэпутатаў працоўных ад 21 студзеня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 18 (938).

[4] Рашэнне выканкома Брэсцкага абласнога (сельскага) Савета дэпутатаў працоўных ад 12 ліпеня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 34 (1034).

[5] 2 студзеня 2014 г. — 70 гадоў з дня нараджэння (1944) Яўгена Васільевіча Малашэвіча, вучонага-біёлага, журналіста, кнігавыдаўца, аўтара-складальніка шэрагу энцыклапедычных і даведачных выданняў, заслужанага работніка культуры Беларусі

[6] ttp://www.gtb.by/d/journal/01/1/finalnyj.pdf

[7] ttps://rep.bntu.by/bitstream/handle/data/2894/%D1%81.%2073-80.pdf

[8] ttps://www.informdom.com/metalloobrabotka/2013/6/10-i-mezhdunarodnyi-konkurs-svarschikov-zolotoi-kubok-benardosa.html

[9] Усадьба Милашевских: конюшня

[1]

[2]

[3]

[4]

[5]

[6]

[7]

[8]

[9]