Брэсцкае аддзяленне Беларускай чыгункі

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Транспартнае рэспубліканскае унітарнае прадпрыемства «Брэсцкае аддзяленне Беларускай чыгункi» знаходзіцца на паўднёвым захадзе Рэспублікі Беларусь.

Горад Брэст — канцавая станцыя Беларускай чыгункі.

Гісторыя

Першы рэйкавы шлях у раёне Брэста з'явіўся ў 1869 годзе, за кошт казны быў пабудаваны невялікі ўчастак ад прыватнай Варшава-Тэрэспальскай чыгункі да Кобрынскага форштадта Брэст-Літоўскай крэпасці. Ён быў адкрыты 1 лістапада 1869 года і перададзены для эксплуатацыі Варшава-Тэрэспальскай чыгунцы 16 (28) лістапада 1869 г.

У 1871 годзе Брэст становіцца буйным чыгуначным вузлом, што сфарміраваўся ў выніку аб'яднання двух станцый, якія належалі розным чыгункам. Праз 10 гадоў у Брэсце розныя казённыя і прыватныя чыгункі ўжо мелі 5 станцый, якія працавалі ў 6-ці кірунках: Варшава, Граева, Хелм, Ковель, Масква, Бранск. На пачатку XX стагоддзя Брэсцкі чыгуначны вузел перасякалі Маскоўска-Брэсцкая, Прывісленская, Паўднёва-Заходняя і Палеская чыгункі. Тут былі створаны 7 станцый, 5 паравозных дэпо, 2 вагонных дэпо, 2 дыстанцыі шляха, дыстанцыя сігналізацыі і сувязі. У першым дзесяцігоддзі XX стагоддзя пачаўся працэс механзацыі кіравання стрэлкамі і сігналамі.

З 1919 да 1939 года Брэст уваходзіў у Віленскую Дырэкцыю, а вузел не развіваўся. Акрамя таго, частка двупутных участкаў, была пераабсталявана ў аднапутныя (Брэст-Лунінец і Брэст-Чарэмха), а чатырохпутны ўчастак Брэст-Жабінка стаў двупутным.

У 1939 годзе загадам Народнага камісара шляхоў спалучэння № 229/Ц ад 02.12.1939 было арганізавана Брэсцкае (Брэст-Літоўскае) аддзяленне. Яго кіраўніком з 1939 па 1941 год працаваў Елін Леў Давыдавіч.

Сучасны стан

На сённяшні дзень Брэсцкае аддзяленне знаходзіцца ў межах наступных станцый (уключна): Лясная, Лоўча, Хаціслаў, Уладава, Высока-Літоўск і ўключае 32 станцыі, з якіх Брэст-Усходні і Брэст-Паўночны з'яўляюцца пазакласавымі, і 44 прыпынкі

Структурныя падраздзяленні

Брэсцкая дыстанцыя электразабеспячэння
Станцыя Брэст-Усходні
Станцыя Брэст-Паўночны
Лакаматыўнае дэпо Брэст
Вакзал станцыі Брэст-Цэнтральны
Брэсцкі вагонны ўчастак
Вагоннае дэпо Брэст
Брэсцкая дыстанцыя сігналізацыі і сувязі
Брэстгрузтранслагістык
Брэсцкая дыстанцыя грамадзянскіх збудаванняў
Брэсцкая база (транспартная)
Жабінкаўская дыстанцыя шляху
Брэсцкая дыстанцыя шляху
Брэсцкая дыстанцыя ахоўных лесанасаджэнняў
Аддзел матэрыяльна-тэхнічнага забеспячэння
Аддзяленчы разліковы цэнтр
Брэсцкі інфармацыйны вылічальны цэнтр па экспартна-імпартным перавозкам
Турыстычны цэнтр «Дортур»

Даччынае прадпрыемства

Сельскагаспадарчае рэспубліканскае даччынае унітарнае прадпрыемства «Радэжскае»

Начальнікі Брэсцкага аддзялення

Самуіл Аляксеевіч Грынько (1944—1946),
Дзмітрый Паўлавіч Карастылёў (1946—1957),
Цімафей Васільевіч Якаўлеў (1957—1971),
Леанід Мікалаевіч Шэннікаў (1971—1981),
Мікалай Мікалаевіч Шафроненка (1981—1984),
Міхаіл Цімафеевіч Грыбоўскі (1984—1995),
Уладзімір Ільіч Жарэла (1995—2002),
Уладзімір Іосіфавіч Рынг (2002—2007).
Аляксандр Міхайлавіч Шматаў (2007-ц.ч.).

Літаратура

История Белорусской железной дороги из XIX века в век XXI. / В. В. Яновская и др. — Минск: «Мастацкая літаратура», 2012. — 955с. ISBN 978-985-02-1375-4.
Железная дорога Беларуси: История и современность. В. Г. Рахманько, А. В. Бессольнов, В. А. Шоба и др. Под общей редакцией В. Г. Рахманько. — Мн.: ОДО «Триолета», 2001. — 488 с. ISBN 985-6533-02-3.