Будынак былой мужчынскай гімназіі (Мсціслаў)
Будынак былой мужчынскай гімназіі — будынак у Мсціславе, помнік архітэктуры эклектыкі з рысамі стылю мадэрн. Пазмешчаны па адрасе вуліца Кармеліцкая, 14. Узведзены ў 1908 г. з цэглы. Цяпер гэты будынак не выкарыстаўваецца, да 2002 тут размяшчалася сярэдняя школа № 1.
| Славутасць | |
| Будынак былой мужчынскай гімназіі | |
|---|---|
 | |
| 54°01′17″ пн. ш. 31°43′49″ у. д.HGЯO | |
| Краіна |
 Беларусь |
| Горад | Мсціслаў |
| Архітэктурны стыль | эклектыка |
| Архітэктар | Сцяпан Мацвеевіч Валансевіч |
| Дата пабудовы | 1908 год |
| Статус |
 Гісторыка-культурная каштоўнасць Беларусі, шыфр 513Г000509 |
 |
|
 Медыяфайлы на Вікісховішчы | |
Архітэктура правіць
Асіметрычны двухпавярховы Т-падобны ў плане будынак складаецца з трох злучаных паміж сабою корпусаў. Галоўны фасад фланкіраваны рызалітамі, расчлянёны высокімі паўцыркульнымі аконнымі праёмамі (вузкімі на першым паверсе і шырокімі на другім). Над цэнтральным уваходам, вылучаным казырком на кансолях, размешчаны лучковы аконны праём з кілепадобным франтонам. Карніз з філянговым фрызам падзяляе фасады на два паверхі. У перакрыцці памяшканняў цэнтральнага корпуса выкарыстаныя крыжовы і цыліндрычныя скляпенні. Калідорная сістэма планіроўкі.
Мемарыяльныя дошкі правіць
- Мемарыяльная дошка Дзмітрыю Емяльянавічу Астапенку, Аркадзю Аляксандравічу Куляшову, Юлію Абрамавічу Таўбіну. Устаноўлена ў 1986 годзе на будынку былога педагагічнага тэхнікума, у якім у 1928—1931 гг. вучыліся беларускія гэтыя савецкія паэты.
- Мемарыяльная дошка Якубу Коласу. Устаноўлена ў 1986 годзе на будынку былога педагагічнага тэхнікума, перад навучэнцамі i педагогамі якога ў 1925 годзе выступаў паэт.
Літаратура правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
Спасылкі правіць
На Вікісховішчы ёсць медыяфайлы па тэме Будынак былой мужчынскай гімназіі (Мсціслаў)- Будынак былой мужчынскай гімназіі (Мсціслаў) на сайце Глобус Беларусі (руск.)
- Будынак былой мужчынскай гімназіі (Мсціслаў) на сайце «Архіварта»
