Бурлеска

Бурлеска (фр.: burlesque ад італ.: burlesco — жартоўны).

• Бурлеска ў літаратуры — жанр камічнай, парадыйнай паэзіі. Камічны эфект y бурлеска дасягаецца ў адным выпадку неадпаведнасцю, рэзкім кантрастам паміж узвышанай тэмай і яе падкрэслена будзённым вырашэннем (травесційная), y другім — неадпаведнасцю паміж «нізкай», трывіяльнай тэмай і ўзвышанай, «кніжнай» мовай (іраікамічная).

• У музыцы, п’еса жартоўнага, часам грубавата-камічнага або капрызнага характару, звычайна хуткага тэмпу, свабоднай будовы. Блізкая да капрычыа і гумарэскі. Найбольш пашырана ў XVII—XVIII стст., пазней знікла з кампазітарскай практыкі, адрадзілася на мяжы XIX—XX стст. Як самастойная п’еса або як частка цыклічнага твора сустракаецца ў музыцы для клавішных (І. С. Бах, Ф. Куперэн, Р. Шуман, Р. Штраус, Б. Бартак), радзей для струнных (Дз. Шастаковіч) інструментаў. З беларускіх кампазітараў бурлеска пісалі Я. Дзягцярык, Э. Тырманд, Л. Шлег і інш.

• Паняцце «Бурлеска» абазначае таксама разнавіднасць камічнай оперы, блізкай да вадэвіля.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).