Бухарская Народная Савецкая Рэспубліка
Бухарская Народная Савецкая Рэспубліка (БНСР; узб.: Buxoro Xalq Sho'ro Jumhuriyati, тадж.: Ҷумҳурии Халқии Шӯравии Бухоро, перс.: جمهوری خلقی شوروی بخارا) — дзяржава ў Сярэдняй Азіі ў 1920-24 гадах. Утворана на тэрыторыі Бухарскага эмірата ў выніку паўстання 2 верасня 1920 года, падтрыманага Чырвонай Арміяй. 14 верасня сфарміраваны вышэйшыя органы ўлады — Усебухарскі рэўкам і Савет народных назіраў (камісараў). 8 кастрычніка на 1-м Усебухарскім курултаі народных прадстаўнікоў абвешчана БНСР. 4 сакавіка 1921 года паміж РСФСР і БНСР падпісаны саюзны дагавор і эканамічнае пагадненне. Канстытуцыя БНСР ад 1921 года заканадаўча замацавала пераход улады ў рукі Саветаў народных дэпутатаў; яе адметная рыса — прызнанне права прыватнай уласнасці на зямлю і асноўныя прылады працы. У 1920-23 гадоў на тэрыторыі БНСР разгарнуўся антысавецкі супраціў, пад кантролем басмацтва знаходзілася значная частка тэрыторыі рэспублікі. 19 верасня 1924 года БНСР пераўтворана ў Бухарскую ССР, ліквідаваную 24 кастрычніка 1924 года. Яе тэрыторыя ўвайшла ў склад Узбекскай ССР, Туркменскай ССР і Таджыкскай ССР.
| Народная рэспубліка | |||||
| Бухарская Народная Савецкая Рэспубліка | |||||
|---|---|---|---|---|---|
| узб.: Buxoro Xalq Sho'ro Jumhuriyati, Бухоро Халқ Шўро Жумҳурияти тадж.: Ҷумҳурии Халқии Шӯравии Бухоро | |||||
|
|||||
 |
|||||
|
|
|||||
| Сталіца | Бухара | ||||
| Мова(ы) | узбекская, таджыкская | ||||
| Афіцыйная мова | таджыкская мова і узбекская мова | ||||
| Рэлігія | іслам | ||||
| Грашовая адзінка | савецкі рубель | ||||
| Плошча | 182 193 км² | ||||
| Насельніцтва | звыш 2,2 млн. чалавек: узбекі, таджыкі, туркмены, персы | ||||
| Форма кіравання | савецкая рэспубліка | ||||
 Медыяфайлы на Вікісховішчы | |||||
Літаратура правіць
- Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).