Барыс Сцяпанавіч Чудакоў

Барыс Сцяпанавіч Чудакоў (нар. 8 чэрвеня 1932, станіца Сляпцоўская, Сунжанскі раён, Інгушэція) — беларускі ваенны дырыжор. Заслужаны артыст Беларускай ССР (1981).

Барыс Сцяпанавіч Чудакоў
Дата нараджэння	8 чэрвеня 1932(1932-06-08) (92 гады)
Месца нараджэння	Арджанікідзеўская, Сунжанскі раён[d], СССР
Альма-матар	Інстытут ваенных дырыжораў[d] (1954)
Месца працы	МінСВУ Узорна-паказальны аркестр Узброеных Сіл Рэспублікі Беларусь[d] Ваенна-аркестравая служба Узброеных Сіл Рэспублікі Беларусь[d] Беларуская дзяржаўная акадэмія музыкі
Музычная дзейнасць
Прафесіі	ваенны дырыжор
Узнагароды

Біяграфія

Скончыў у 1954 годзе Інстытут ваенных дырыжораў Міністэрства абароны СССР. З 1954 года дырыжор воінскай часці БВА, з 1961 года ў Мінскім сувораўскім ваенным вучылішчы, з 1968 года дырыжор аркестра штаба БВА, з 1979 года начальнік аркестровай службы БВА. З 1989 года выкладае ў Беларускай акадэміі музыкі.

Творчасць

Сярод пералажэнняў Чудакова для духавога аркестра творы беларускага кампазітараў У. Алоўнікава, Г. Вагнера, Я. Глебава, І. Лучанка, Ю. Семянякі, Дз. Смольскага, музычнай класікі і інш. Інструментаваў для духавога аркестра Дзяржаўны гімн Рэспублікі Беларусь (2002). Галоўны дырыжор Рэспубліканскага (1987) і абласнога свят духавой музыкі «Майскі вальс» (штогодняе, з 1992).

Літаратура

• Карацееў А. Д. Чудакоў Барыс Сцяпанавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).