Гацішча (Баранавіцкі раён)

Гаці́шча (трансліт.: Hacišča, руск.: Гатище) — вёска ў Баранавіцкім раёне Брэсцкай вобласці. Уваходзіць у склад Сталовіцкага сельсавета. Размешчана за 16 км на поўнач ад Баранавіч. Насельніцтва 64 жыхары, 37 гаспадарак (2005).

Вёска Гацішча Краіна Беларусь Вобласць Брэсцкая Раён Баранавіцкі Сельсавет Сталовіцкі Каардынаты 53°14′46″ пн. ш. 26°00′56″ у. д. Насельніцтва ▼53 чал. (2009) Часавы пояс UTC+3 Тэлефонны код +375 163 Аўтамабільны код 1 Гацішча на карце Беларусі ±

Гацішча на Вікісховішчы

Гісторыя

Па пісьмовых крыніцах Гацішчы вядомы з XVI ст. як вёска. У 1567 годзе шляхціч П. Біштоўтавіч выдзеліў для войска Вялікага Княства Літоўскага аднаго коннага воіна.

Пасля Другога падзелу Рэчы Паспалітай (1793) у складзе Расійскай імперыі.

З 1921 года ў складзе Польшчы, у Сталовіцкай гміне Баранавіцкага павета Навагрудскага ваяводства, у 2 фальварках Гацішчы малыя і Гацішчы вялікія 22 дамы.

З 1939 года абодва ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да 8 ліпеня 1944 года акупіраваны нямецка-фашысцкімі захопнікамі. На франтах загінула 13 аднавяскоўцаў.

У 1978 годзе да Вялікіх Гацішчаў далучана сумежная в. Тодараўцы.

Інфраструктура

Працуе магазін.

Насельніцтва

• XX стагоддзе:
  • 1921 — 77 жыхароў.
  • 1939 — 348 жыхароў.
  • 1959 — 236 жыхароў.
  • 1970 — 257 жыхароў.
  • 1998 - 56 двароў, 81 жыхар.
• XXI стагоддзе:
  • 2005 — 64 жыхары, 37 гаспадарак.

Літаратура

• Вялікія Гацішчы. Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы ёсць медыяфайлы па тэме Гацішча (Баранавіцкі раён)