Чыжыкі

Чыжыкі
Краіна	Беларусь
Вобласць	Віцебская
Раён	Віцебскі
Сельсавет	Янавіцкі
Каардынаты	55°19′53″ пн. ш. 30°40′48″ у. д.HGЯO
Насельніцтва	▼4 чал. (2009);
Часавы пояс	UTC+3
Тэлефонны код	+375 212
Аўтамабільны код	2
СААТА	2212899086

Чы́жыкі^[1] (трансліт.: Čyžyki, руск.: Чижики) — вёска ў Віцебскім раёне Віцебскай вобласці. Уваходзіць у склад Янавіцкага сельсавета. За 28,5 км на паўночны ўсход ад Віцебска, 34,5 км ад чыгуначнай станцыі Віцебск.

Гісторыя

У пачатку 20 стагоддзя вёска ў Янавіцкай воласці Віцебскага павета Віцебскай губерні. У 1905 годзе ў вёсцы 120 дзесяцін зямлі, адносілася да Неваражскай сельскай грамады. У сакавіку 1924 года вернута ў склад БССР. З 20 жніўня 1924 года ў Янавіцкім сельсавеце Суражскага раёна Віцебскай акругі (да 26 ліпеня 1930 года). Вясковыя дзеці наведвалі працоўную школу 1-й ступені ў вёсцы Глазамічы, у якой у 1924 годзе навучаліся 30 вучняў з вёскі Чыжыкі. У 1930 годзе створаны калгас «Чырвоны араты». У 1933 годзе ў вёску пераселены жыхары вёскі Дубраўка. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да кастрычніка 1943 года акупіравана гітлераўскімі войскамі, якія спалілі 14 двароў і забілі 1 жыхара. 2 вяскоўцы загінулі на франтах вайны. Пасля вайны вёска адбудавалася. З 20 студзеня 1960 года ў Віцебскім раёне. З 22 снежня 1960 года ў Янавіцкім пасялковым савеце Віцебскага, з 25 снежня 1962 года Лёзненскага раёнаў. З 2 жніўня 1966 года зноў у Віцебскім раёне. У 2000 годзе знаходзілася ў складзе калгаса імя Суворава (цэнтр — вёска Глазамічы).

Насельніцтва

17 двароў, 128 жыхароў (1905)
33 двары, 163 жыхары (1926)
25 двароў, 69 жыхароў (1941)
22 двары, 58 жыхароў (1969)
12 гаспадарак, 19 жыхароў (2000)
3 гаспадаркі, 4 жыхары (2018)

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

Літаратура

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

[1]