Відзюны

Відзю́ны (трансліт.: Vidziuny, руск.: Видюны) — вёска ў Астравецкім раёне Гродзенскай вобласці. Уваходзіць у склад Міхалішкаўскага сельсавета.

Вёска Відзюны Краіна Беларусь Вобласць Гродзенская Раён Астравецкі Сельсавет Міхалішкаўскі Каардынаты 54°45′49″ пн. ш. 26°12′51″ у. д. Насельніцтва ▼5 чал. (2019) Часавы пояс UTC+3 Тэлефонны код +375 1591 Аўтамабільны код 4 СААТА 4246823036 Відзюны на карце Беларусі ±

Геаграфія

Знаходзіцца за 36 км на паўночны ўсход ад Астраўца, на р. Ашмянка (прыток Віліі).

Гісторыя

У 1594 годзе сяло ў складзе маёнтка Меднік, аддана ў заклад скарбоваму ВКЛ Лукашу Мамонічу. У 1604 годзе ўласнасць Адама Кенішкі.

Пасля трэцяга падзелу Рэчы Паспалітай (1795) у Расійскай імперыі. У XIX ст. засценак у Віленскім павеце Віленскай губерні. У 1865 годзе ў засценку 8 рэвізскіх душ. У 1893 годзе вёска ў Варнянскай воласці. У 1905 годзе жыхары вёскі мелі 94 дзесяціны зямлі.

З 1920 года вёска ў складзе Сярэдняй Літвы, з 1922 — у Польшчы. Належала да Гервяцкай гміны Віленска-Трокскага павета Віленскага ваяводства.

З 1939 года — у БССР. З 12 кастрычніка 1940 года вёска ў Міхалішкаўскім сельсавеце Астравецкага раёна Вілейскай вобласці. З канца чэрвеня 1941 года да пачатку ліпеня 1944 года пад нацысцкай акупацыяй. З 20 верасня 1944 года ў Маладзечанскай вобласці, з 20 студзеня 1960 года ў Гродзенскай вобласці.

Насельніцтва

• 1893 год — 48 жыхароў, 7 двароў.
• 1905 год — 50 жыхароў.
• 1909 год — 68 жыхароў, 7 двароў.
• 1938 год — 89 жыхароў, 19 двароў.
• 1959 год — 39 жыхароў.
• 1970 год — 37 жыхароў.
• 2004 год — 13 жыхароў, 8 гаспадарак.
• 2014 год — 5 жыхароў, 3 гаспадаркі.
• 2019 год — 5 жыхароў.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх