Віктар Астроўскі

Віктар Астроўскі (28 жніўня 1912, в. Засімавічы, Пружанскі павет, Гродзенская губерня, цяпер Пружанскі раён, Брэсцкая вобласць — 31 жніўня 1975, Лондан, Вялікабрытанія) — беларускі грамадскі дзеяч на эміграцыі, публіцыст, картограф.

Віктар Астроўскі
Асабістыя звесткі
Дата нараджэння 28 жніўня 1912(1912-08-28)
Месца нараджэння
Дата смерці 31 жніўня 1975(1975-08-31) (63 гады)
Месца смерці
Грамадзянства
Бацька Радаслаў Казіміравіч Астроўскі
Альма-матар
Прафесійная дзейнасць
Род дзейнасці публіцыст

БіяграфіяПравіць

Сын Р. Астроўскага. Вучыўся на факультэце права Віленскага ўніверсітэта імя Стэфана Баторыя, быў членам Беларускага студэнцкага саюза, арганізацыі «Скарынія». Скончыў агранамічны факультэт Пазнаньскага ўніверсітэта (інжынер-аграном). У кастрычніку 1939 г. у Вільні арыштаваны і асуджаны на 8 гадоў лагераў (срок адбываў у Варкуце, Расія). Яго маці, Антаніна Астроўская, загінула ў лагеры ў Казахстане. З канца 1941 г. у Арміі Андэрса (2-гі Польскі корпус), у складзе якой прымаў удзел у штурме Монтэ-Касіна (Італія, май 1944 г.). З 1946 г. жыў у Вялікабрытаніі, працаваў у вугальных шахтах, потым на працягу 20 гадоў — у друкарні аператарам машынаў.

Займаўся вывучэннем картаграфіі Беларусі. Аўтар шэрагу кніг па беларускай картаграфіі і старажытных назвах Беларусі, а таксама публіцыстычных брашур і артыкулаў, прысвечаных гісторыі XX ст. і скіраваных супраць апанентаў БЦР — Рады БНР. Усе кнігі выдаваў за ўласны кошт. У 1960-х гг. займаўся выданнем часопіса «Аб’еднаньне». Збіраў калекцыю картаў, якая пасля яго смерці была перададзеная ў Скарынаўскую бібліятэку.

ТворыПравіць

  • Ostrowski W. Spotlight on Byelorussia and her neighbours: material for the historical research ans study compiled. — London, 1959. — 92 с.
  • Ostrowski W. Anti-semitism in Byelorussia and its origin. Material for historical research and study of the subject. — London, 1960. — 77 с.
  • Ostrowski W. Russia, the suburb of hell. From Ivan Kalita to Khrushchev Nikita. — London, 1961. — 83 с.
  • Ostrowski W. Mr. Dean Rusk, "English jargon." UNESCO, politics and Byelorussia; material for historical research and study of the subject. — London, 1962. — 19 с.
  • Ostrowski W. Confusion in English terminology. Discriminatory practices of the BBC and the voice of America. 'White Russians', Russian whites' and Russophile falsifications. — London, 1963. — 4 с.
  • Ostrowski W. The early cartography of Byelorussia : material for historical research and study. — London, 1968.
  • Ostrowski W. The ancient names and early cartography of Byelorussia. — London, 1971. — 20 с.

Зноскі

ЛітаратураПравіць

  • Гардзіенка, Н. Беларусы ў Вялікабрытаніі / Наталля Гардзіенка; Рэдактар Алег Гардзіенка. — Мн.: Медысонт, 2010. — С. 520. — (Бібліятэка Бацькаўшчыны; Кніга 18).