Віктар Савельевіч Саенка

Віктар Савельевіч Саенка (10 ліпеня 1937, Дніпрадзэржынск) — беларускі архітэктар.

Віктар Савельевіч Саенка
Дата нараджэння	10 ліпеня 1937(1937-07-10) (86 гадоў)
Месца нараджэння	Днепрадзяржынск, Днепрапятроўская вобласць, УССР, СССР
Альма-матар	Ленінградскі інжынерна-будаўнічы інстытут (1963)
Месца працы	Гомельграмадзянпраект[d]
Член у	Саюз архітэктараў СССР Беларускі саюз архітэктараў

Біяграфія

Скончыў Ленінградскі інжынерна-будаўнічы інстытут у 1963 годзе. З 1963 па 1969 год працаваў у праектных арганізацыях Уфы, Макііўкі Данецкай вобласці, з 1969 года — галоўны архітэктар праектаў у Гомельграмадзянпраекце.

Член Саюза архітэктараў СССР з 1966 года. Пражывае ў Гомелі.

Творчасць

Інжынерна-вылічальны цэнтр Гомельаблаўтатранса

13-павярховы інтэрнат Беларускага інстытута інжынераў чыгуначнага транспарту за будынкам бібліятэкі

Асноўныя працы: кварталы 68, 95 (1963), мікрараён Цэнтр-1 (1964), жылы раён Тужылаўка (1964—1967, у аўтарскім калектыве) ва Уфе, мікрараён № 11 у Макііўцы (1967), дзве дзіцячыя спартыўныя школы (1970—1976), гасцініца абкама КПБ, 13-павярховы інтэрнат Беларускага інстытута інжынераў чыгуначнага транспарту па Чырвонаармейскай вуліцы, 4А (1973), інжынерна-вылічальны цэнтр аблаўтатрэста па Рэчыцкім праспекце (1975) у Гомелі, 12-павярховы інтэрнат педінстытута ў Мазыры (1977), крыты рынак у Бабруйску (1985), 9-павярховы жылы дом з кватэрамі ў розных узроўнях у Светлагорску (1986).

Літаратура

• Саенко Виктор Савельевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)