Генадзь Іванавіч Хуцкі
Генадзь Іванавіч Ху́цкі[1] (7 верасня 1928 — 7 лістапада 2002) — вучоны ў галіне аўтаматызацыі тэхналагічных працэсаў, доктар тэхнічных навук (1970), прафесар (1977).
| Генадзь Іванавіч Хуцкі | |
|---|---|
| Дата нараджэння | 7 верасня 1928 |
| Месца нараджэння | |
| Дата смерці | 7 лістапада 2002 (74 гады) |
| Грамадзянства |
 СССР,  Беларусь |
| Род дзейнасці | навуковец |
| Навуковая сфера | аўтаматычнае кіраванне |
| Месца працы | |
| Навуковая ступень | доктар тэхнічных навук |
| Навуковае званне | прафесар |
| Альма-матар | |
Біяграфія правіць
Нарадзіўся ў горадзе Быхаў (сучасны адміністрацыйны цэнтр Быхаўскага раёна Магілёўскай вобласці Беларусі). Скончыў Маскоўскі энергетычны інстытут у 1950 годзе. У 1950—1956 гг. працаваў на Бранскім машынабудаўнічым заводзе, у 1956—1964 гг. у Беларускім політэхнічным інстытуце. у 1964—1972 гг. займаў пасаду загадчыка лабараторыяй аўтаматызацыі энергаўстановак у Беларускім філіяле Дзяржаўнага навукова-даследчага энергетычнага інстытута імя Г. М. Кржыжаноўскага, у 1972—1980 гг. — начальніка аддзела інфармацыйна-вымяральных сістэм у Мінскім навукова-даследчым прыборабудаўнічым інстытуце. З 1980 года Г. І. Хуцкі зноў у Беларускім політэхнічным інстытуце (сучасны Беларускі нацыянальны тэхнічны ўніверсітэт) — загадчык кафедрай «Робататэхнічныя сістэмы» на факультэце інфармацыйных тэхналогій і робататэхнікі ў 1980—1997 гг., дэкан факультэта ў 1983—1989 гг.
Навуковая дзейнасць правіць
Г. І. Хуцкаму належаць навуковыя працы па аўтаматызацыі тэхналагічных працэсаў у энергетыцы і прыладабудаванні. Займаўся пытаннямі распрацоўкі праграмнага забеспячэння робататэхнічных сістэм у прамысловасці.
Сярод апублікаванага:
- Промышленные роботы в действии. — Мн., 1986. (у сааўтарстве);
- Приспосабливающиеся системы автоматического управления для тепловых электрических станций. — Мн., 1968.
Зноскі
- ↑ Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
Літаратура правіць
- Болсун А. І. Хуцкі Генадзь Іванавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 78.