Герман фон Франсуа
Ге́рман фон Франсуа́ (ням.: Hermann von François; 31 студзеня 1856, Люксембург — 15 мая 1933, Берлін) — германскі ваенны дзеяч, генерал пяхоты.
| Герман фон Франсуа | |
|---|---|
 | |
| Нараджэнне |
31 студзеня 1856[1]
|
| Смерць |
15 мая 1933 (77 гадоў) |
| Бацька | Бруна фон Франсуа[d] |
| Дзейнасць | афіцэр, пісьменнік |
| Прыналежнасць | Германская імперыя |
| Род войскаў | Германская імперская армія |
| Званне | генерал ад інфантэрыі |
| Камандаваў | 13th Division[d] |
| Бітвы | |
| Узнагароды |
  |
 Медыяфайлы на Вікісховішчы | |
Біяграфія правіць
Нарадзіўся ў сям'і генерала Бруна фон Франсуа, які загінуў падчас франка-прускай вайны.
Паступіў на ваенную службу ў 1875 годзе. У 1884—1887 гадах вучыўся ў Прускай ваеннай акадэміі ў Берліне. У 1899 годзе начальнік штаба IV армейскага корпуса (Магдэбург). У 1905—1908 гадах камандзір гвардзейскага палка. З 1911 года камандаваў 13-й дывізіяй (Мюнстэр). Генерал-лейтэнант. З 1913 года — камандзір I армейскага корпуса, раскватараванага ў Кёнігсберзе.
Першая сусветная вайна правіць
З пачаткам Першай сусветнай вайны, падчас Усходне-Прускай аперацыі, корпус Франсуа у складзе 8-й арміі генерала Прытвіца першая ўступіла ў бой з рускай арміяй, парушыўшы тым самым катэгарычны загад камандуючага пазбягаць сутыкненняў з непрыяцелем. Быў разбіты рускімі войскамі 1-й арміі генерала П. К. Рэненкампфа пры Сталупінене (4/17 жніўня) і Гумбінене (7/20 жніўня).
З 8 кастрычніка — камандуючы 8-й арміяй, але ўжо 7 лістапада 1914 года быў зняты з пасады камандуючага за невыкананне загадаў вярхоўнага камандавання. 24 снежня 1914 года прызначаны камандзірам XXXXI рэзервовага корпуса, якім камандаваў і падчас баёў пры Горліц-Тарнова ў Галіцыі (май 1915).
14 мая 1915 года узнагароджаны ордэнам Pour le Merite, a 27 ліпеня 1917 года атрымаў да яго дубовыя галіны (за адрозненні ў баях падчас Вердэнскай аперацыі).
З 29 чэрвеня 1915 года камандзір VII армейскага корпуса. 6 ліпеня 1918 года здаў камандаванне корпусам і быў залічаны ў рэзерв. 11 лістапада 1918 года выйшаў у адстаўку.
Аўтар некалькіх ваенна-гістарычных кніг. Памёр у 1933 годзе.
Зноскі
- ↑ Deutsche Nationalbibliothek Агульны нарматыўны кантроль — 2012—2016. Праверана 9 красавіка 2014.
Спасылкі правіць
- Залесский К.А. Кто был кто в Первой мировой войне. — М.: АСТ, 2003. — 896 с. — 5 000 экз. — ISBN 5-271-06895-1.