Ея[1] (руск.: Е́я) — рака ў Краснадарскім краі Расіі, упадае ў Ейскі ліман Таганрогскага заліва Азоўскага мора. Даўжыня 311 км, плошча басейна 8650 км². Цячэ ў шырокай даліне па Кубана-Прыазоўскай (Прыкубанскай) нізіне. Сцёк пераважна ў перыяд раставання снягоў, летам Ея перасыхае; у нізоўях даліна забалочаная. Вада саланаватая. Сярэдні гадавы расход вады каля 2,5 м³/с (станіца Кушчоўская). Прытокі: Сасыка (левы) і Кугаея (правы).

Зноскі

  1. карта Краснадарскага края — Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.