Капейнае (Пухавіцкі раён)

Капе́йнае (трансліт.: Kapiejnaje, руск.: Копейное) — вёска ў Пухавіцкім раёне Мінскай вобласці. Уваходзіць у склад Дукорскага сельсавета.

Вёска Капейнае Краіна Беларусь Вобласць Мінская Раён Пухавіцкі Сельсавет Дукорскі Каардынаты 53°34′46″ пн. ш. 27°55′08″ у. д. Часавы пояс UTC+3 Тэлефонны код +375 1713 Аўтамабільны код 5 Капейнае на карце Беларусі ±

Геаграфія

Знаходзіцца за 16 км на паўночны захад ад раённага цэнтра, 5 км ад чыгуначнай станцыі Рудзенск на лініі Мінск - Асіповічы.

Гісторыя

Пад уладай Расійскай імперыі

У XIX — пачатку XX стагоддзяў у Навасёлкаўскай воласці Ігуменскага павета Мінскай губерні, уласнасць Ратынскіх.

У 1908 годзе адкрыта царкоўнапрыходская школа.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасля рэвалюцыі працавала працоўная школа 1-ай ступені, у якой у 1922 г. працаваў 1 настаўнік, займаліся каля 50 хлопчыкаў і дзяўчынак.

У Другую сусветную вайну з канца чэрвеня 1941 да 4 ліпеня 1944 года акупаваная нацысцкай Германіяй.

Да 28 мая 2013 года вёска ўваходзіла ў склад Дрычынскага сельсавета.

Вядомыя асобы

• Алег Васілевіч Прышчэпчык — кандыдат біялагічных навук (2002), дацэнт (2003).

Насельніцтва

• 1816 — 13 двароў, каля 100 жыхароў.
• 1897 — 53 двароў, 316 жыхароў.
• На пачатку XX ст. - 48 двароў, 421 жыхар.
• 1917 — 63 двары, 393 жыхары.
• 1 студзеня 2002 — 36 двароў, 64 жыхары.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх