Карпы (род)

Ка́рпы — беларускі шляхецкі род уласнага геpба. Паводле легенды, паходзілі ад італьянскага рода Карпіа. Першы вядомы прадстаўнік роду — гаспадарскі дваранін Карп Есіпавіч, якому ў 1522 годзе вялікі князь Жыгімонт Стары даў Забельскае і Ятвезскае войтаўства; валодаў маёнткамі ў Троцкім павеце (сярод якіх Яганішкелі). Ад яго ўнукаў Юзафа і Мікалая пайшлі 2 лініі Карпаў: старэйшая (родавае гняздо — Бярозавае^[pl], мелі маёнткі ў Падляшскім і Новагародскім ваяводствах; згасла ў 17 ст.) і малодшая (родавае гняздо — Рыкіёў^[lt], мелі маёнткі ў Троцкім ваяводстве і Жамойці).

Найбольш вядомыя

Юзаф Карп (? — пасля 1637), ваўкавыскі маршалак.
Стафан Карп (? — 1657), ваўкавыскі маршалак.
Юзаф Міхал Карп (каля 1679—1739), падстолі смаленскі (1703—1720), вялікі духоўны сакратар літоўскі (1724—1736), біскуп жамойцкі.
Ян Зыгмунт Карп (каля 1680 — каля 1740), палкоўнік, генеральны крыгскамісар (галоўны кватэрмайстар) войска ВКЛ.
Бенядзікт Карп (1734—1805), харужы упіцкі, удзельнік паўстання 1794 года.
Маўрыцый Францішак Карп (1749—1817) — паэт і публіцыст, удзельнік паўстання 1794 года.
Феліцыян Стэфан Карп (1821—1888) -- маршалак шляхты Панявежскага павета (1859—1863), Ковенскай губерні (1862—1878)

Валерый Пазднякоў. Карпы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.