Касцёл Святой Марыі Магдалены (Новалукомль)
Касцёл Святой Марыі Магдалены — мураваны каталіцкі храм у горадзе Новалукомлі Чашніцкага раёна Віцебскай вобласці. Знаходзіцца ў цэнтры горада на вуліцы Камунальнай, 2.
| Каталіцкі храм | |
| Касцёл Святой Марыі Магдалены | |
|---|---|
 | |
| 54°39′18″ пн. ш. 29°08′42″ у. д.HGЯO | |
| Краіна |
 Беларусь |
| Горад | Новалукомль |
| Канфесія | Рымска-каталіцкая царква |
| Епархія | Віцебская дыяцэзія |
| Дэканат | Лепельскі дэканат |
| Архітэктурны стыль | постмадэрнізм |
| Будаўніцтва | 2003—2005 гады |
 |
|
Гісторыя
правіцьПарафія ў Новалукомлі бярэ свой пачатак з населенага пункта Лукомль. У XVII стагоддзі князь Ян Лукомскі ў мястэчку пад назвай Лукомль пабудаваў францысканскі кляштар, пры якім была ўтворана парафія.
У 1832 годзе, пасля паўстання 1830—1831 гадоў, кляштар быў закрыты. У 1868 годзе, пасля паўстання 1863—1864 гадоў, парафія была скасавана. Будынак касцёла Святога Духа быў перададзены пад юрысдыкцыю праваслаўнай царквы і стаў вядомы як царква Святой Марыі Магдалены.
У 1996 годзе была адпраўлена першая Святая Імша ў прыватнай кватэры, што і паклала пачатак фарміраванню новай парафіі. У 1997 годзе парафія была названа імем святой Марыі Магдалены. Дзякуючы намаганням ксёндза прэлата Мечыслава Янцышына, у сакавіку 1998 года парафія была зарэгістравана.
Пасля ўтварэння Віцебскай дыяцэзіі ў 2000 годзе ў парафію быў прызначаны першы пробашч — ксёндз прэлат Мечыслаў Янцышын. У 2001 годзе ў цэнтры горада католікі выкупілі старую кацельню з прылягаючай тэрыторыяй, а ў 2003 годзе яе пачалі перабудоўваць у касцёл і плябанію.
Архітэктура
правіцьПомнік архітэктуры постмадэрнізму. Трохнефная дзвюхвежавая базіліка. Працяглы прамавугольны ў плане аб’ём пад двухсхільным дахам, які на фасадзе закрыты 2-гранным шчытом на прамавугольным атыку з круглай люкарнай па цэнтры. Над карнізам даху выступаюць бочкавыя перакрыцці над арачнымі аконнымі праёмамі бакавых фасадаў. Франтальны фасад завершаны бакавымі васьміграннымі шатровымі вежамі, адкрытымі арачнымі прасветамі. Арачны ўваходны праём у нізкім прамавугольным нартэксе пад двухсхільным пакрыццём[1].
Зноскі
Літаратура
правіць- Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.
Спасылкі
правіць
На Вікісховішчы пакуль няма медыяфайлаў па тэме, але Вы можаце загрузіць іх- Касцёл Святой Марыі Магдалены (Новалукомль) на сайце Catholic.by (бел.)
