Крупы

Кру́пы — харчовы прадукт, які складаецца з суцэльных ці драбнёных зерняў розных культур. Драбнёныя крупы завуцца сечка.

Грачаныя крупы (абсмаленая)

Крупы выпрацоўваюцца пераважна з крупяных (проса, грэчка, рыс, кукуруза), іншых збожжавых (ячмень, авёс, пшаніца, дагуса, радзей жыта) і бабовых (гарох, сачавіца) культур. Да круп таксама адносяцца аўсяныя камякі і кукурузныя шматкі, успушаныя зерні (рысавыя, пшанічныя), штучнае сага і іншыя.

Працэс выпрацоўкі круп складаецца ў выдаленні са збожжа прымешак, здымання цвёрдых верхніх абалонак і надання ядру адпаведных формы і выгляду.

Крупы багаты на складаныя вугляводы, за кошт якіх адбываецца паўнавартаснае харчаванне ўсяго арганізма. З круп вараць галоўным чынам кашы і супы.

Гл. таксама

• Крупяныя культуры
• Хлебныя збожжавыя культуры
• Зернебабовыя культуры

Спасылкі

• На Вікісховішчы ёсць медыяфайлы па тэме Крупы
• Крупы (прадукт харчавання) — артыкул з Вялікай савецкай энцыклапедыі
• Крупа // Краткая энциклопедия домашнего хозяйства. — М.: Государственное Научное издательство «Большая Советская энциклопедия», 1959.