Леанід Аляксеевіч Ермантовіч

Леанід Аляксеевіч Ермантовіч
Леанід Аляксеевіч Ермантовіч
Дэпутат Палаты прадстаўнікоў Нацыянальнага сходу Рэспублікі Беларусь V склікання
	18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў
Нараджэнне	17 лютага 1956 (69 гадоў); в. Красноўцы, Лідскі раён, Гродзенская вобласць
Адукацыя	Гродзенскі дзяржаўны ўніверсітэт імя Янкі Купалы;
Узнагароды	Медаль «За працоўныя заслугі»

Леанід Аляксеевіч Ермантовіч (17 лютага 1956, в. Красноўцы, Лідскі раён, Гродзенская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Біяграфія

Нарадзіўся 17 лютага 1956 года ў в. Красноўцы Лідскага раёна Гродзенскай вобласці.

Скончыў Гродзенскі дзяржаўны ўніверсітэт імя Я. Купалы, настаўнік гісторыі і грамадазнаўства; Мінскую вышэйшую партыйную школу, спецыяліст у галіне партыйнага і савецкага будаўніцтва.

Працаваў выхавальнікам інтэрната, выхавальнікам групы прадоўжанага дня Красноўскай сярэдняй школы Лідскага раёна Гродзенскай вобласці; загадчыкам аддзела камсамольскіх арганізацый Лідскага райкама ЛКСМБ; інструктарам, загадчыкам сектара па рабоце камсамольскіх арганізацый прафтэхадукацыі Гродзенскага абкама ЛКСМБ; першым сакратаром Дзятлаўскага райкама ЛКСМБ; загадчыкам арганізацыйнага аддзела, другім сакратаром Дзятлаўскага райкама КПБ Гродзенскай вобласці; начальнікам упраўлення па працы і сацыяльнай абароне насельніцтва, намеснікам старшыні па пытаннях ліквідацыі наступстваў аварыі на Чарнобыльскай АЭС і надзвычайных сітуацый Дзятлаўскага райвыканкама; старшынёй Дзятлаўскага раённага Савета дэпутатаў; намеснікам старшыні Дзятлаўскага райвыканкама па інфармаванні насельніцтва, сувязях з грамадскасцю і сацыяльных праблемах; начальнікам упраўлення арганізацыйна-кадравай работы Гродзенскага аблвыканкама.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароды

Узнагароджаны медалём «За працоўныя заслугі».

Асабістае жыццё

Жанаты, мае сына.

Зноскі

Спасылкі

Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (бел.)