Людзі на балоце (альбом)

«Лю́дзі на бало́це» ― дэбютны студыйны альбом рок-гурта «Людзі на балоце», які быў выдадзены ў 2012 годзе.

Людзі на балоце (альбом)
музычны альбом Людзі на балоце
Дата выпуску	10 кастрычніка 2012
Жанр	фолк-рок
Прафесійныя рэцэнзіі
Experty.by

Гісторыя стварэння

Альбом быў прэзентаваны на партале «Тузін Гітоў» 10 кастрычніка 2012 года. Калекцыйны CD-варыянт распаўсюджваўся на канцэртах гурта.

Спіс песень

№	Назва	Словы	Працягласць
1.	«Подзем, хлопцы, на вайну!»	Алесь Дзянісаў	4:48
2.	«Зброя»	Андрэй Пачобут	3:44
3.	«Размова з маці»	Алесь Дзянісаў	4:28
4.	«Партызан»	Алесь Дзянісаў	3:36
5.	«Малітва жанчыны»	Алесь Дзянісаў	3:39
6.	«Пад чорным сьцягам»	Алесь Дзянісаў	2:12
7.	«Людзі на балоце»	Алесь Дзянісаў	4:42
8.	«Прыйдзе вясна»	Алесь Дзянісаў	3:18

Крытыка

Музычны крытык Сяргей Будкін лічыць, што ўсе творы альбома выдатна слухаюцца і ў адрыве ад канкрэтнага гістарычнага кантэксту, а некаторыя з іх вартыя таго, каб стаць застольнымі і прыйсці на змену абсалютна чужым для беларускай традыцыі спевам:

Менавіта такой гераічнай і пры тым няпатаснай і жыцьцёвай лірыкі вельмі не ставала. Гэта альбом, якому проста наканавана стаць клясыкай.

Музычны журналіст Зміцер Падбярэзскі адзначае, што праграма здаровая па духу і абсалютна жывая, але мае недахопы:

Рука вопытнага аранжавальніка, канешне ж, лішняй падчас падрыхтоўкі да запісу не была б. Як і прысутнасьць, скажам, пэдагога па вакалу. Па-сутнасьці, маем дачыненьне да добрай, але — самадзейнасьці.

Удзельнікі запісу

• Алесь Дзянісаў ― вакал, гітара
• Аляксандр «Барабан» Рацько ― вакал, перкусія
• Мікалай Палякоў ― акардэон
• Настасся Цыбізава ― вакал, скрыпка
• Васіль «Хіпар» Валошчык ― флейта
• Павел «Трабл» Трублін ― бас-гітара

Спасылкі

• «Людзі на балоце» на сайце Rate Your Music