Людміла Міхайлаўна Мягкова
Людміла Міхайлаўна Мягко́ва[1] (руск.: Людмила Михайловна Мягкова; 26 красавіка 1929 — 2022) — мастак дэкаратыўна-прыкладнога мастацтва (мастацкае шкло), Заслужаны дзеяч мастацтваў БССР (1977).
| Людміла Міхайлаўна Мягкова | |
|---|---|
| Дата нараджэння | 26 красавіка 1929 |
| Месца нараджэння | |
| Дата смерці | 2022 |
| Месца смерці | |
| Грамадзянства | |
| Род дзейнасці | мастачка |
| Месца працы | |
| Жанр | дэкаратыўна-прыкладное мастацтва і мастацкае шкло[d] |
| Вучоба | |
| Член у | |
| Узнагароды | |
Біяграфія Правіць
Нарадзілася ў Ленінградзе. У 1959 годзе скончыла Ленінградскае вышэйшае мастацка-прамысловае вучылішча імя Мухінай па спецыяльнасці «Кафлярства і мастацкая апрацоўка шкла». Працавала на шклозаводзе «Нёман» у горадзе Бярозаўка (Лідскі раён Гродзенскай вобласці Беларусі).
Творчасць Правіць
Аўтар прац у галіне мастацкага шкла, пераважна ў гутнай тэхніцы. Разам У. Мураверхам стварыла для масавай вытворчасці новыя ўзоры прасаваных вырабаў з каляровага шкла. У сваіх працах выкарыстоўвала традыцыйныя народныя формы посуду. Сярод прац Л. М. Мягковай вазы «Путанка», «Бярозавы гай», «Баранчыкі», наборы посуду «Залаты пеўнік», «Птушыны двор» і інш.
Узнагароды і званні Правіць
- Заслужаны дзеяч мастацтваў БССР (1977).
- Ганаровая грамата Вярхоўнага Савета БССР (1975)
- Сярэбраныя медалі ВДНГ СССР (1961, 1972, 1973, 1985)
- Залаты медаль ВДНГ СССР (1965)
- Бронзавыя медалі ВДНГ СССР (1965, 1971)
- Медаль «За працоўную адзнаку» (1981)
- Ганаровая грамата Савета Міністраў СССР (1988)
- Сярэбраны медаль Акадэміі мастацтваў СССР (1990)
- Ганаровы знак Саюза мастакоў (2001)
Зноскі
Літаратура Правіць
- Мягко́ва Людміла Міхайлаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 506. — 800 с. — 5 000 экз. — ISBN 985-11-0026-9.
Спасылкі Правіць
- Художники (руск.) // Сайт ААТ Шклозавод «Нёман»
- Персональный альбом «Людмила Мягкова» (руск.) // Сайт Лідскага гісторыка-мастацкага музея