Лівелін ап Сейсіл

Лівелін ап Сейсіл (вал.: Llywelyn ap Seisyll, памёр у 1023) — кароль Повіса, Гвінеда і Дэхейбарта (1018—1023). Па бацькаўскай лініі Лівелін быў прадстаўніком аднаго з уплывовых родаў Гвінеда. Па матчынай лініі ён быў прапраўнукам Анараўда. Акрамя таго, Лівелін ажаніўся з Ангарад, дачкой Марэдыда.

Лівелін ап Сейсіл
вал.: Llywelyn ap Seisyll
кароль Повіса 1018 — 1023
Папярэднік	Айдан ап Блегіўрыд
Пераемнік	Рыдэрх ап Іестын
кароль Гвінеда 1018 — 1023
Папярэднік	Айдан ап Блегіўрыд
Пераемнік	Іяга ап Ідвал ап Мейрыг
кароль Дэхейбарта 1018 — 1023
Папярэднік	Эдвін ап Эйніян і Кадэл ап Эйніян
Пераемнік	Рыдэрх ап Іестын
Нараджэнне	мерк. 974
Смерць	1023(1023)
Бацька	Сейсіл ап Эднавен
Маці	Праўст
Жонка	Ангарад верх Марэдзід
Дзеці	сыны: Грыфід, Рыс, Блетгент, Рытвалан

Біяграфія

У 1018 годзе Лівелін ап Сейсіл захапіў уладу ў Гвінедзе і Повісе, забіўшы ўзурпатара Айдана і яго чатырох сыноў. У тым жа годзе Лівелін перамог братоў Эдвіна і Кадэла, якія кіравалі Дэхейбартам. У 1022 годзе ў Дэхейбарце з'явіўся нейкі ірландзец Райн, які зваў сябе сынам Марэдыда. Дэхейбарцы прызналі яго і пачалі вайну з Гвінедам, але былі разбіты пры Абергвілі. Больш Райна ніхто ніколі не бачыў.

Літаратура

• John Edward Lloyd. A history of Wales: from the earliest times to the Edwardian conquest. — Longmans, Green & Co, 1911.

Спасылкі

• WALES, KINGS & PRINCES (англ.). Foundation for Medieval Genealogy. Архівавана з першакрыніцы 23 красавіка 2012. Праверана 29 кастрычніка 2011.