Вікіпедыя

Майкл Д’Андрэа

Майкл Д’Андрэа (англ.: Michael D'Andrea), таксама ёсць варыянт напісання як дэ Андрэа[1] — супрацоўнік Цэнтральнага разведвальнага ўпраўлення, кіраўнік амерыканскай праграмы кропкавых забойстваў з дапамогай беспілотнікаў па ўсяму Блізкаму Усходу. Атрымаў мянушку «Аятала Майк»[2].

Майкл Д’Андрэа
англ.: Michael D'Andrea
Дата нараджэння XX стагоддзе
Месца нараджэння
Альма-матар
Месца працы
Грамадзянства  ЗША
Лагатып Вікісховішча Медыяфайлы на Вікісховішчы

Раннія гады правіць

Д’Андрэа вырас у Паўночнай Вірджыніі[2]. Ён сустрэў сваю жонку, калі працаваў за мяжой у Цэнтральным разведвальным упраўленні, і прыняў іслам, каб ажаніцца з ёй[3]. Яго жонка, Фарыда Курымджы д’Андрэа, з’яўлялася дачкой багатай мусульманскай сям’і з Маўрыкія гуджарацкага паходжання[4].

Кар’ера правіць

Д’Андрэа ўладкаваўся ў ЦРУ ў 1979 годзе[5]. Ён пачаў сваю замежную кар’еру ў Афрыцы і лічыўся афіцэрам дыпламатычнай службы ў пасольстве ЗША ў Дар-эс-Саламе, Танзанія[6]. Раней Д’Андрэа займаў пасаду рэзідэнта ў Каіры, а затым у Багдадзе. Быў адным з чыноўнікаў ЦРУ, якія не змаглі адсачыць Навафа аль-Хазмі, які пазней возьме ўдзел у нападах 11 верасня.

У 2006 годзе узначаліў Цэнтр па барацьбе з тэрарызмам, замяніўшы Роберта Грэнье[7]. На працягу свайго дзевяцігадовага знаходжання на пасадзе Д’Андрэа кіраваў сотнямі атак амерыканскіх беспілотнікаў у Пакістане і Емене[2][8].

Падчас «палявання» на Усаму бін Ладэна Д’Андрэа займаўся аналізам даных пра тое, хто, акрамя бін Ладэна, можа знаходзіцца ў мэтавым комплексе ў Абатабадзе[9]

Аператыўнікі Д’Андрэа таксама сачылі за допытамі Абу Зубайда, Абд аль-Рахіма ан-Нашыры і Халіда Шэйха Махамеда[2][8]. Як паведамлялася, ён быў датычны да забойства члена «Хезбалы» Імада Мугніі ў Дамаску[5].

У 2017 годзе быў прызначаны кіраўніком агенцтва ў Іране[2].

У 2019 годзе яму прыпісвалі арганізацыю забойства 300 дэманстрантаў падчас хваляванняў у Іраку. Як мяркуецца, менавіта Д’Андрэа быў арганізатарам атакі на аэрапорт Багдада 3 студзеня 2020 года, адной з ахвярай якой апынуўся іранскі генерал Касем Сулеймані[1].

Меркаваная гібель правіць

27 студзеня 2020 года на тэрыторыі, падкантрольнай афганскаму радыкальнаму руху «Талібан», пацярпеў крушэнне самалёт Bombardier E-11[10][11]. ВПС ЗША пацвердзілі гэта, аднак без якіх-небудзь падрабязнасцяў[12]. Адказнасць за інцыдэнт адразу ўзяў на сябе рух «Талібан», удакладніўшы, што сярод шасці загінулых ёсць афіцэры ЦРУ[13]. 28 студзеня, па паведамленні агенцтва Mehr са спасылкай на крыніцы ў расійскай разведцы, стала вядома, што ў выніку крушэння амерыканскага ваеннага самалёта ў правінцыі Газні ў Афганістане загінуў афіцэр ЦРУ Майкл Д’Андрэа[14]. Пры гэтым афіцыйнага пацверджання інфармацыі аб яго гібелі не паступала[15].

У папулярнай культуры правіць

Д’Андрэа стаў прататыпам «Ваўка» з фільма Кэтрын Бігелоу «Мэта нумар адзін»[3].

Зноскі правіць

  1. ↑ а б Организатор убийства генерала Сулеймани погиб в Афганистане в авиакатастрофе Архівавана 28 студзеня 2020. // ИноСМИ, 28 января 2020
  2. ↑ а б в г д Rosenberg, Matthew (2017-06-02). "C.I.A. Names New Iran Chief in a Sign of Trump's Hard Line". The New York Times. Архівавана з арыгінала 2017-06-02.
  3. ↑ а б Cook, John (2015-03-26). "Why Won't the Post Name CIA Counterterrorism Chief Michael D'Andrea?". Gawker. Праверана 2017-06-02.
  4. ↑ "CIA Agent Ayatollah Mike's Face Revealed: Iran's View". Iran's View. 2017-06-03. Праверана 2017-06-12. Архіўная копія. Архівавана з першакрыніцы 7 чэрвеня 2017. Праверана 8 красавіка 2020.
  5. ↑ а б Miller, Greg (2012-03-24). "At CIA, a convert to Islam leads the terrorism hunt". The Washington Post. Праверана 2012-11-13.
  6. ↑ Key Officers of Foreign Service Posts: Guide for Business Representatives  — ISBN 9780788148682.
  7. ↑ Cockburn, Andrew. Kill Chain: The Rise of the High-Tech Assassins. — Henry Holt and Company , 2015. — ISBN 9780805099270.
  8. ↑ а б Mazzetti, Mark (2015-04-25). "Deep Support in Washington for C.I.A.'s Drone Missions". The New York Times. Праверана 2017-06-02.
  9. ↑ Zenko, Micah. Red Team: How to Succeed By Thinking Like the Enemy. — Basic Books, 2015. — P. 100—101. — ISBN 9780465073955.
  10. ↑ 1TV Afghanistan, Ziaulhaq. US plane crashed due to technical problems: Afghan civil aviation authority (англ.)(недаступная спасылка). www.1tvnewsaf. Архівавана з першакрыніцы 30 студзеня 2020. Праверана 30 студзеня 2020.
  11. ↑ Amanda Macias,David Reid,Matt Clinch. US Air Force plane crashes in central Afghanistan (англ.). CNBC (27 студзеня 2020). Праверана 30 студзеня 2020.
  12. ↑ "U.S. military recovers remains from Afghanistan plane crash". Reuters. 2020-01-28. Праверана 2020-01-30.
  13. ↑ Афганистан.Ру | Крушение в Газни подчеркнуло мозаичность «Талибана». Праверана 30 студзеня 2020.
  14. ↑ CIA’s Michael D’ Andrea reportedly killed in US plane downing in Afghanistan (англ.). Mehr News Agency (28 студзеня 2020). Праверана 30 студзеня 2020.
  15. ↑ СМИ: ответственный за ликвидацию Сулеймани офицер ЦРУ погиб в Афганистане (руск.). NEWS.ru. Праверана 30 студзеня 2020.
Узята з "https://be.wikipedia.org/w/index.php?title=Майкл_Д’Андрэа&oldid=4586457"