Мактар Уан (фр.: Moctar Ouane; 11 кастрычніка 1955) — малійскі палітычны, дзяржаўны і дыпламатычны дзеяч. Пастаянным прадстаўніком Рэспублікі Малі пры Арганізацыі Аб’яднаных Нацый (1995—2002), затым міністр замежных спраў і міжнароднага супрацоўніцтва (2004—2011). Пераходны прэм’ер-міністр краіны з 27 верасня 2020 года.

Мактар Уан
Moctar Ouane 2009 (cropped).jpg
Сцяг Часовы прэм’ер-міністр Малі Сцяг
25 верасня 2020 — 24 мая 2021
Прэзідэнт Ба Ндау
Папярэднік Бубу Сісе
Пераемнік Шагель Какала Маіга
Нараджэнне 11 кастрычніка 1955(1955-10-11) (66 гадоў)
Адукацыя
Дзейнасць палітык, дыпламат
Commons-logo.svg Мактар Уан на Вікісховішчы

БіяграфіяПравіць

Выпускнік французскай нацыянальнай школы адміністрацыі.

З 1982 па 1986 год працаваў саветнікам генеральнага сакратара ўрада Малі, у 1986 годзе — кіраўніком аддзела пагадненняў і міжнародных канвенцый у Міністэрстве замежных спраў, дыпламатычным саветнікам прэм’ер-міністра (з 1986 па 1988), кіраўніком Упраўлення Генеральнага сакратара Прэзідыума (з 1988 па1990).

З 1990 па 1991 год быў дыпламатычным дарадцам прэзідэнта Мусы Траорэ і пераходнага кіраўніка дзяржавы Амаду Тумані Турэ (1991—1992), затым — дыпламатычны саветнік прэм’ер-міністра ўрада Малі (1992).

З 1994 па 1995 год — палітычны саветнік міністра замежных спраў. Пазней, быў прызначаны пастаянным прадстаўніком Малі пры Арганізацыі Аб’яднаных Нацый. Займаў гэтую пасаду з 7 верасня 1995 да 27 верасня 2002 года.

На працягу гэтага часу адначасова займаў пасаду Старшыні Савета Бяспекі Арганізацыі Аб’яднаных Нацый (верасень 2000—снежань 2001). Быў дырэктарам-паслом міжнароднага супрацоўніцтва з 2003 да 2004 года.

2 мая 2004 года прызначаны на пасаду міністра замежных спраў і міжнароднага супрацоўніцтва Рэспублікі Малі.

Пасля сыходу з пасады міністра замежных спраў у 2011 годзе М. Уан у студзені 2014 года стаў дыпламатычным саветнкам Заходнеафрыканскага эканамічнага і валютнага саюза (West African Economic and Monetary Union, UEMOA).

27 верасня 2020 года пераходны прэзідэнт Ба Ндау, які заняў пасаду 25 верасня з прычыны ваеннага перавароту 18 жніўня, прызначыў Уана пераходным прэм’ер-міністрам Малі[1].

24 мая 2021 года разам з Ба Ндау быў арыштаваны Асімі Гаіта падчас чарговага перавароту, прычынай чаму сталі змены ў кабінеце міністраў і парушэнне дамоўленасцяў з вайскоўцамі[2].

27 жніўня 2021 года Мактар Уан быў вызвалены з-пад хатняга арышту[3].

Свабодна валодае англійскай, баманскай, фульскай і французскай мовамі.

Зноскі

  1. Moctar Ouane, un diplomate de carrière pour conduire le gouvernement de transition au Mali (фр.) . Le Monde (28 верасня 2020). Праверана 28 верасня 2020.
  2. ПЕРЕВОРОТ В МАЛИ РЕШИЛИ ДОВЕРНУТЬ ДО КОНЦА // Независимая газета, 25 мая 2021
  3. Mali : levée des restrictions pour Bah N’Daw et Moctar Ouane (фр.) . Jeune Afrique (28 жніўня 2021). Праверана 28 жніўня 2021.

СпасылкіПравіць