Малочны Мір

ААТ «Малочны Мір» (руск.: Моло́чный мир) — беларуская кампанія па вытворчасці малака, якая размешчана ў Гродна.

Малочны Мір
Тып	ААТ
Заснаванне	1938
Ранейшыя назвы	Гродзенскі гарадскі малочны камбінат ААТ «Гродна Малкамбінат»
Размяшчэнне	Беларусь, Гродна
Ключавыя постаці	Марына Яўгенаўна Анікеева
Галіна	харчовая прамысловасць
Прадукцыя	малако
Сайт	Афіцыйны сайт

Апісанне

Спецыялізуецца на вытворчасці натуральнамалочнай прадукцыі, марожанага, масла, сыроў цвёрдых, мяккіх, плаўленых. Акрамя таго, у аб’ёме вытворчасці маецца немалая доля прадукцыі, што выпрацоўваецца не з малака: вада, напоі, маянэз. З’яўляючыся прадпрыемствам бесперапыннага цыкла вытворчасці, перапрацоўвае парадку 730 т малака ў суткі, налічваючы ў сваім асартыменце больш за 200 відаў прадукцыі.

Гісторыя

У 1938 створаны Гродзенскі гарадскі малочны камбінат. Вытворчыя магутнасці камбіната складалі да 10 тон у змену. У мэтах пашырэння і павелічэння аб’ёмаў вытворчасці ў 1967 годзе была праведзена першая рэканструкцыя, якая дазволіла павялічыць вытворчую магутнасць да 50 тон малака ў змену. У 1993 годзе была праведзена другая значная рэканструкцыя, якая дазваляе прадпрыемству вырабляць да 240 тон у суткі. У лістападзе 1996 года Гродзенскі малочны камбінат быў ператвораны ў ААТ «Гродна Малкамбінат». Згодна рашэння Адміністрацыі СЭЗ «Гроднаінвест» ад 22 мая 2007 года № 30 ААТ «Гродна Малкамбінат» перайменаваны ў ААТ «Малочны Мір».

Узнагароды

• Ордэн Працоўнай Славы (2023)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйны сайт
• Афіцыйная старонка «Малочны Мір» у сацыяльнай сетцы «УКантакце»