Марцін Акімавіч Сурын

Марцін Акімавіч Су́рын (17 мая 1908, вёска Руднае, Чашніцкі раён, Віцебская вобласць — 24 красавіка 1963) — удзельнік Вялікай Айчыннай вайны, Герой Савецкага Саюза (24.03.1945).

Марцін Акімавіч Сурын
Дата нараджэння	4 (17) мая 1908
Месца нараджэння	Руднае, Барысаўскі павет, Мінская губерня, Расійская імперыя
Дата смерці	24 красавіка 1963(1963-04-24) (54 гады)
Месца смерці	Колас, Хацюхоўскі сельсавет, Крупскі раён, Мінская вобласць, БССР, СССР
Месца пахавання	Нача
Грамадзянства	Расійская імперыя  СССР
Прыналежнасць	СССР
Род войскаў	пяхота
Званне	чырвонаармеец
Бітвы/войны	Вялікая Айчынная вайна Савецка-японская вайна
Узнагароды і званні

Біяграфія

М. А. Сурын нарадзіўся ў вёсцы руднае (зараз у Чашніцкім раёне Віцебскай вобласці). Працаваў у калгасе. На фронце з ліпеня 1941 года. Удзельнік баёў у Літве і Усходняй Прусіі. Вызначыўся пры вызваленні Літвы пры фарсіраванні рэк Нёман і Шашупэ. Званне Героя Савецкага Саюза атрымаў у 1945 г. З 9 жніўня па 2 верасня 1945 года на 1-м Далёкаўсходнім фронце, удзельнічаў у Харбіна-Гірынскай наступальнай аперацыі.

Пасля вайны жыў у вёсцы Каўпыніца, працаваў у калгасе «Камунар» у Крупскім раёне. Памёр 24 красавіка 1963 года. Пахаваны ў аграгарадку Нача.

Узнагароды

• Медаль «Залатая Зорка» (1945)
• Ордэн Леніна (1945)
• Ордэн Чырвонай Зоркі (1945)
• Медаль «За адвагу» (1944)
• медалі.

Памяць

• Імем героя названыя вуліца ў аграгарадку Нача, школа ў вёсцы Латыгавічы Чашніцкага раёна

Літаратура

• Су́рын Марцін Акімавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 284. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сурын Марцін Акімавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 582. — 680 с. — 20 000 экз. — ISBN 5-85700-012-2.
• Су́рын Марцін Акімавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 449. — 10 000 экз. — ISBN 985-11-0214-8.

Спасылкі

• Марцін Акімавіч Сурын на сайце «Героі краіны»
• Іфармацыйны партал горада Чашнікі Архівавана 29 лістапада 2014. (руск.)
• Афіцыйны сайт Крупскага райвыканкама Архівавана 12 красавіка 2018. (руск.)