Марына Віктараўна Кандрацьева
Марына Віктараўна Кандра́цьева (1 лютага 1934, Санкт-Пецярбург — 8 ліпеня 2024, Масква, Расія) — руская артыстка балета, прыма-балерына Вялікага тэатра, педагог. Народная артыстка СССР (1976).
| Марына Віктараўна Кандрацьева | |
|---|---|
 | |
| Дата нараджэння | 1 лютага 1934[1] |
| Месца нараджэння | |
| Дата смерці | 8 ліпеня 2024 (90 гадоў) |
| Месца смерці | |
| Грамадзянства | |
| Адукацыя | |
| Прафесія | балерына, балетмайстар, балерына, балетны педагог |
| Тэатр | |
| Узнагароды |
     |
 Медыяфайлы на Вікісховішчы | |
Біяграфія
правіцьНарадзілася 1 лютага 1934 года ў Ленінградзе. Бацька — Віктар Мікалаевіч Кандрацьеў (1902—1979), лаўрэат Сталінскай прэміі I ступені (1946), правадзейны член АН СССР, доктар фізіка-матэматычных навук[3] і маці — Алена Іванаўна Кандрацьева (1905—1991). Яе бацькі працавалі ў Ленінградскім політэхнічным інстытуце ім. М. І. Калініна (ЛПІ; цяпер Санкт-Пецярбургскі політэхнічны ўніверсітэт Пятра Вялікага).
У Маскоўскае харэаграфічнае вучылішча была рэкамендавана А. Я. Ваганавай. У 1952 годзе скончыла вучылішча па класе педагога Г. П. Пятровай, пасля выпуску была прынята ў балетную трупу Вялікага тэатра.
У 1952—1980 гадах была салісткай, з 1980 года — педагогам-рэпетытарам Вялікага тэатра.
У тэатры займалася ў Марыны Цімафееўны Сямёнавай. Складала дуэт з танцоўшчыкам М. Ліепай, таксама ў розныя гады партнёрамі выступалі М. Фадзеечаў, М. Лаўроўскі, Ю. Уладзіміраў, Б. Хахлоў, У. Ціханаў, Я. Сех і іншыя.
У 1980 годзе скончыла Дзяржаўны інстытут тэатральнага мастацтва імя А. В. Луначарскага.
З 1980 года аданачасова выкладала ў Дзяржаўным інстытуце тэатральнага мастацтва, з 1987 года — педагог Маскоўскай дзяржаўнай акадэміі харэаграфіі.
Партыі
правіцьЯе танец вылучаўся лёгкасцю і паэтычнасцю.
Сярод партый — Папялушка, Джульета («Папялушка», «Рамэо і Джульета» С. Пракоф’ева), Жызэль («Жызэль» А. Адана), Сільфіда («Шапэніяна» на муз. Ф. Шапена), Адэта-Адылія, Маша («Лебядзінае возера», «Шчаўкунок» П. Чайкоўскага), Марыя («Бахчысарайскі фантан» Б. Асаф’ева), Шырын («Легенда аб каханні» А. Мелікава), Фрыгія («Спартак» А. Хачатурана), Ганна («Ганна Карэніна» Р. Шчадрына), Дзяўчына-птушка («Шурале» Ф. Яруліна), Муза («Паганіні» на муз. С. Рахманінава).
Крыніцы
правіць- ↑ Кондратьева Марина Викторовна // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 27 верасня 2015.
- ↑ Кондратьева Марина Викторовна // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ Виктор Николаевич Кондратьев Архіўная копія ад 4 лістапада 2014 на Wayback Machine на сайте проекта «Деметра/Ярославика»
Літаратура
правіць- Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).