Матырына (возера)

Маты́рына, Матырынскае — возера ва Ушацкім раёне Віцебскай вобласці Беларусі ў басейне ракі Ушача, за 6 км у напрамку на поўнач ад гарадскога пасёлка Ушачы, каля вёскі Матырына.

Матырына
Морфаметрыя
Вышыня над узроўнем мора	131,3 м
Даўжыня	1,7 км
Шырыня	1,4 км
Плошча	1,38 км²
Даўжыня берагавой лініі	каля 7 км
Найбольшая глыбіня	6 м
Сярэдняя глыбіня	3,5 м
Басейн
Плошча вадазбору	178 км²
Упадаюць	рака Альзініца, ручаі
Выцякаюць	рака Альзініца
Размяшчэнне
Краіна	Беларусь
Рэгіён	Віцебская вобласць
Матырына
Матырына

Плошча паверхні возера 1,38 км². Даўжыня 1,7км, найбольшая шырыня 1,4 км, даўжыня берагавой лініі каля 7 км. Найбольшая глыбіня 6 м, сярэдняя 3,6 м. Плошча вадазбору 178 км².
Катлавіна возера трохвугольнай формы. Схілы катлавіны вышынёй да 25 м, месцамі з валунамі. Берагавая лінія звілістая, утварае залівы. Берагі нізкія, у паўночнай частцы возера сплавінныя. Дно возера ў прыбярэжнай частцы пясчанае, глыбей — ілістае, у паўночным заліве выслана сапрапелем. На возеры 3 астравы агульнай плошчай каля 1 га. Возера зарастае. Праз возера працякае рака Альзініца. На паўднёвым захадзе злучана ручаём з возерам Лаканец, на поўначы ўпадае канава з возера Лінне.

У возеры водзяцца шчупак звычайны, лешч, акунь, гусцяра, плотка, лінь, краснапёрка і іншыя віды рыб.

На паўднёвы ўсход ад возера пралягае аўтамабільная дарога Н3701.

Літаратура

• Беларуская энцыклапедыя: У 18 т. Т. 10: Малайзія — Мугараджы / Рэдкал.: Г. П. Пашкоў і інш. — Мн.: БелЭн, 2000. — Т. 10. — С. 209. — 544 с. — 10 000 экз. — ISBN 985-11-0169-9 (Т. 10).
• Белорусская ССР: Краткая энциклопедия. В 5-ти т. Т.2 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 2. — 768 с. — 50 000 экз. (руск.)
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 20. — 72 с. — 10 000 экз. — ISBN 978-985-508-136-5. (руск.)